Mateo 5:46 - Tachi Ak'õre Pedea

⁴⁶ Maamina mãrapa abapuru mãra k'õp'ãerorãt'a k'ɨ̃ria p'ananaipɨra, ¿k'ãret'a nepia Tachi Ak'õrepa teaima? Romanepema pae erreara jɨrɨp'epataɨrã pida mãɨ jĩra oopatama.

Mateo 5:46 Referans Kwoze

Mateo 11:19

Mãɨpari mɨ, chi Ẽpẽra Warrapa ne ãarea k'oparima mãɨnepa ne ãarea toparima. Maamina ãchia jarapatama mɨ miak'ãe nek'oparipɨ mãɨnepa it'ua minachia toparipɨ. Mãɨ awara jarapatama mɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama. Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».

Luca 18:13

»Mãɨne Romanepema pae erreara jɨrɨp'eparí t'ɨmɨwẽa basima. Maamina pajãnea ak'ɨé pasima. Mãɨpari sõp'uadepa ichi p'echumá sĩk'ari jarasima: “Tachi Ak'õre, mɨ k'ĩra chupuriase. Mɨa minachia nemietá ooparima”.

Luca 15:1

Ewariaba Romanepema pae erreara jɨrɨp'epataɨrã mãɨnepa nemietá oopataɨrã chesidama Jesupa jaratea bɨ ũrinai k'orea.

Mateo 18:17

Wapida ãchia jarauta ichia ũri k'ɨ̃riawẽpɨra, Tachi Ak'õrene ĩjãapataɨrã́ ãarea ará t'ɨ̃k'ari, ãchiá mãɨ nepɨra jarase. Maamina Tachi Ak'õrene ĩjãapataɨrãpa jarauta ũri k'ɨ̃riawẽpɨra, ichi Tachi Ak'õre atua bɨ jĩra wa Romanepema pae erreara jɨrɨp'eparí jĩra itu bɨse.

Mateo 6:1

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

Luca 19:7

Mãɨ ununak'ari jõmãɨrãpa Jesú k'orea mãɨya piawẽa pedea para beesima: «¡Jãɨ Jesú ẽpẽra nemietá ooparí tede k'ãine wãsima!».

Luca 19:2

Mãma ẽpẽra Zak'eo apataɨ basima. Mãɨ Zak'eo Romanepema pae erreara jɨrɨp'epataɨrã chi chaarea bɨ pasima. Erreara pará basima.

Mateo 5:47

Mãɨ awara mãrapa waapẽarã́ pia pedeasidara, ¿nepia oo p'anɨk'ãra? Chi Tachi Ak'õrene ĩjãanak'apɨɨrã pida mãɨya oopatama.

Marco 2:15

Mãɨya nak'ari Jesú chi ichi ome p'ɨrrɨapataɨrã paara Leví tiidá nek'ode wãsidama. Minachia chi Romanepema pae erreara jɨrɨp'epataɨrã mãɨnepa minachia nemietá oopataɨrã mãma suak'a p'anasidama, ãchi sida Jesú ome p'ɨrrɨapachida pẽra.

Marco 2:16

Mãɨya p'anɨne Moisepa bɨda jarateapataɨrã (chi mãɨrã sida p'ariseorã pasima), ãchia Jesú k'ai ome nek'o bɨt'a unusidama. Mãɨ k'orea p'ariseorãpa Jesú ome p'ɨrrɨapataɨrã́ idisidama: —Mãrá jarateaparipa ¿k'ãre k'orea Romanepema pae erreara jɨrɨp'epataɨrã mãɨnepa waapẽarã nemietá oopataɨrã ome ará nek'oparima?

Luca 3:12

Mãɨya bɨde Romanepema pae erreara jɨrɨp'epataɨrã porochoadai k'orea chesidama. Maapae ãchia idisidama: —Jarateaparí, taipa ¿k'ãre oodai p'anɨma?

Luca 5:29

Maapae Jesú k'orea Levipa ichi tede chik'o waibɨa oopisima. Chok'ará Romanepema pae erreara jɨrɨp'epataɨrã mãɨnepa waapẽarã ẽpẽrarã ãchi ome nek'o p'anasidama.

Luca 5:30

Mãɨ unusidaɨde Moisepa bɨda jarateapataɨrãpa mãɨnepa p'ariseorãpa Jesú ome p'ɨrrɨapataɨrã́ nãɨya k'achia pedeasidama: —¿K'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Luca 7:29

Jesupa jara bɨ ũrisidaɨde ẽpẽrarãpa, Romanepema pae erreara jɨrɨp'epataɨrã pida jarasidama Tachi Ak'õrepa oo bɨt'a jĩp'a bɨade asidama, Juanpa ãchi porochoada pẽra.

Luca 7:34

Maapae mɨ, chi Ẽpẽra Warra che bɨma. Mɨa nejõma k'oparima mãɨnepa nejõma toparima. Mãɨne mãrapa jarapatama: “Mãɨ ne miak'ãe k'oparipɨ mãɨnepa it'ua minachia toparipɨ”. Mãɨ awara jarapatama: “Mãɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama”.