Mateo 5:39 - Tachi Ak'õre Pedea

³⁹ Maamina mɨa jararuma: pɨ piawẽa oosidara k'ĩup'ea choase. Abaɨpa pɨ uitarra chi juaraaripema p'esira, ichiaba uitarra juawieripema unupise p'emẽrá.

Mateo 5:39 Referans Kwoze

1 Tesalonicense 5:15

¡Ũrit'ɨ! Abaɨ pida mãra piawẽa oosira ichi jõnea piawẽa oorãt'ɨ. Mãɨpari ewaricha ara machi paara nepia oot'ɨ, mãɨnepa waapẽarã paara pida.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

1 Corintio 6:7

Piarã waapẽarã mãranepema nepɨra uru p'anapata pẽra unupii p'anɨma machi jĩp'a nipadak'at'a. ¿Piipará bɨwẽk'ãra chi pɨ piawẽa ooda choait'a, chi nepɨra ak'ɨparimá wãi k'aepẽra? ¿Piipará bɨwẽk'ãra pɨa uru bɨ itu chɨapiit'a, pɨ ũpẽa chi nepɨra ak'ɨparimá ateewãi k'aepẽra?

Santiago 5:6

Mãrapa ẽpẽra jĩp'a bɨt'a nepɨra pará bɨade adak'ari, peasidama. Mãɨne ichia mi ãpia pida ooé pasima peapidaemaapa.

Hebreo 12:4

Mãra nemietá ome chõo p'anɨmina wapida mãra peadawẽa p'anɨma Jesú peadada jĩra.

Luca 22:64

Jesú k'ĩra p'ãjɨ̃nak'ari nãɨya jarapachidama: —¡Tachi Ak'õre pari pedease! ¡Taiyá jarase k'aipa pɨ sĩsit'a!

Mateo 5:40

Mãɨ abaɨ pɨ ome k'ĩruusira chi nepɨra ak'ɨparí taade pɨ neet'á ɨ̃rɨ jɨ̃parí ẽemarii k'orea, pɨchi neet'á ek'aripema sida tease.

Luca 6:7

Moisepa bɨda jarateapataɨrã mãɨnepa p'ariseorã p'anasidama. Ãchia Jesú ak'ɨ p'anasidama mimianak'apɨ́ ewaride ẽpẽra jua sorek'ea bɨ jɨpa beepii k'awadayá. Jɨpa beepisira Jesú k'orea k'achia pedeadai k'ɨ̃risia p'anasidama.

Juan 18:23

Jesupa p'anoosima: —Mɨa k'achia pedeasipɨra, jarase mɨa k'ãre k'achia pedeasit'a. Maamina pia pedeasipɨra, pɨa ¿k'ãre k'orea mɨ p'esima?