Mateo 5:37 - Tachi Ak'õre Pedea

³⁷ Mãrapa ne oodayade adaipɨra, oot'ɨ. Ichiaba oodawẽane adaipɨra, oorãt'ɨ. Mãɨ paritua t'ɨ̃ne piarã ne ooyade a jarasira mãɨ pedea nemietaadepa che bɨma.

Mateo 5:37 Referans Kwoze

Santiago 5:12

Mãɨ awara ũpẽarã, abaɨ t'ɨ̃ne piarã ne oodayade arãt'ɨ. Pajãnepema t'ɨ̃ne, nãɨ ĩjũanepema t'ɨ̃ne wa mi ãpia pida parituadepa piarã ne oodayade arãt'ɨ. Ne oodayade adaipɨra, piarã oot'ɨ. Mãɨnepa oodaiwẽane adaipɨra, piarã oorãt'ɨ, Tachi Ak'õrea nepɨra ak'ɨpidaemaapa.

Colosense 4:6

Pedea piadepa pedeat'ɨ jõmãɨrãpa pia ũrinamẽrá. Mãɨya Cristo k'orea chiidiutade mãrapa k'awa p'ananaipɨ sãmaasã́ p'anoonai p'anɨ.

Colosense 3:9

Waapẽarã́ sea oorãt'ɨ. Mãra chi ẽpẽra naena p'ananat'a itu bɨsidama, tachia neet'á sore wẽapata jĩra. Mãɨnepa mãrapa nemietá oopachidaɨt'a itu bɨsidama.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Ep'esio 4:25

Mãɨpuru sea itu bɨt'ɨ. Abapuru piarãt'a waapẽarã ome pedeat'ɨ, jõma tachi abarik'a k'ak'uadepema pẽra.

2 Tesalonicense 3:3

Maamina Tachi Chiparipa ooipɨ ichia jara bɨ jĩra. Ichia mãra k'aripa baipɨ choa p'ananamẽrá mãɨnepa k'achiadepema ak'ɨ baipɨ.

Mateo 13:19

Chi net'a tau ode p'oda nãɨya jara k'ɨ̃ria bɨma: Pajãne Bɨpa ichidirã ichi juade ua bɨ k'orea abaɨ pida ũrik'ari k'awaepɨra, tiorepa mãɨ pedea ichi sõne cheda k'ɨ̃risia atuapiipɨ.

Mateo 13:38

Ne uu ĩjũa jara k'ɨ̃ria bɨma nãɨ ĩjũa ãarea. Chi ne uu tau pia jara k'ɨ̃ria bɨma Pajãne Bɨpa ichidirã ichi juade ua bɨdepema ẽpẽrarã. Chi ne uu jara k'ɨ̃ria bɨma tiore mietaaderã.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

1 Juan 2:13

Chõarã, mɨa nãɨ k'art'a mãrá bɨruma chi naenaena bada wapida bɨt'a mãɨ mãrapa k'awa p'anɨ pẽra. K'ũtãarã, mɨa nãɨ k'art'a mãrá bɨruma tiore p'uedada pẽra. Warrarã, mɨa nãɨ k'art'a mãrá bɨruma Tachi Pajãnepema Ak'õre k'awasida pẽra.

1 Juan 3:12

Caín jĩra p'ananaiwẽa p'anɨma. Tioredé pasi pẽra ichi ũpẽa peasima. ¿K'ãre k'orea ichi ũpẽa peasima? Peasima ichi ũpẽapa oo bada Tachi Ak'õre k'ĩrari pia bada pẽra mãɨnepa ichia ooda piawẽa bada pẽra.

Juan 17:15

Mɨa pɨá idi bɨwẽma ãchi nãɨ ĩjũanepema ãyá ateewãmẽrá, mãɨpari ɨt'aa chiidi bɨma nemietaadepema ak'ɨ bamẽrá.

Mateo 15:19

Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Mateo 5:36

Ichiaba ara pɨchi t'ɨ̃ne piarã ne ooyade arãse, pɨ puda aba pida p'ue t'orroapiiwẽa bɨẽra ichiaba p'ue p'aimaapiiwẽa bɨẽra.

Ep'esio 6:16

Mãɨ awara ne ãareaɨne Cristode ĩjãa p'anat'ɨ, papaká bɨpa ne ichi k'ak'ua k'aripaparí ichi juade uru bɨ jĩra. Tiorepa mĩesa oopiyá bɨde, chi ichia sia urua bɨpa t'ĩuparí jĩra bɨma. Maamina mãrapa Cristode ĩjãa p'ananaipɨra, choadaipɨ chi k'ak'ua k'aripaparipa sia urua bɨt'a k'iipipari jĩra bɨma.