27 »Mãrapa k'awa p'anɨma nãɨya jarapataɨ: “K'ima awaraɨ ome k'ãirãse”.
»Mãrapa k'awa p'anɨma tachi chõarãenapemarãpa nãɨya jarapachidama: “Mĩa pearãse”. Mãɨnepa “Peasira mãra chi chaarearãpa ɨtɨadaima”.
»Mãrapa k'awa p'anɨma tachi chõarãenapemarãpa nãɨya jarapachidama: “Pɨa Tachi Chipari k'ĩrari piarã ne ooyade aipɨra piarã ooi pia bɨma”.
»Mãrapa k'awa p'anɨma nãɨya jarapataɨ: “Abaɨ pida chĩara tau jĩap'et'asira chi mãɨya ooda abarik'a tau jĩap'et'ai pia bɨma. K'ida bɨap'et'asira chi mãɨya ooda abarik'a k'ida bɨap'et'ai pia bɨma”.
»Mãrapa k'awa p'anɨma nãɨya jarapataɨt'a: “Ẽpẽra abaɨ k'ɨ̃riase, maamina pɨ nek'ĩramá unuemaa uru base”.