Mateo 5:24 - Tachi Ak'õre Pedea

²⁴ Mãɨpari chi ãnimara paapataɨk'á ameek'ari pɨ ũpẽa ome pia pedeade wãse, ichi ome sõpia p'aneenai k'orea. Maapaepuru jĩitea chek'ari pɨ ãnimara Tachi Ak'õrea paatease.

Mateo 5:24 Referans Kwoze

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.

1 Timoteo 2:8

Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.

Mateo 23:23

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Menta k'irú, anís net'a tau, comino ome Tachi Ak'õre pae awara bɨpatama, mãɨ diezedepemacha, aba. Maamina Moisepa bɨdade chi atepe bɨ oodak'ama; chĩara ome jĩp'a oodak'ama, k'ĩra chupuriadak'ama mãɨnepa Tachi Ak'õrene ĩjãanak'ama. Oodai pia bɨma ichi pedea bɨda jara bɨ jĩra, machi k'irú awara bɨpata jĩra Tachi Ak'õre pae.

1 Corintio 11:28

Mãɨ p'ana k'oi naena, mãɨ pasude eda bɨ toi naena tachicha minachia ak'ɨi bɨma piarã Tachi Chipari wap'ea bɨ k'awai k'orea.

Marco 9:50

T'ã pia bɨma maamina k'ɨyaawẽa beesira ¿sãmaasã́ mãicha k'ɨyaa beeima? Mãɨpuru Tachi Ak'õre pae pia p'anat'ɨ. Mãɨnepa ara machi ẽpẽerã paara sõpia p'anat'ɨ.

Mateo 5:23

»Mãɨpuru pɨ Tachi Ak'õre pae ne paapataɨdea ateerude, pɨ ũpẽa pɨ ome nepɨra uru bɨ k'ɨ̃risiasira, pɨa ãnimara Tachi Ak'õre pae paai pada paatearãse.