Mateo 5:22 - Tachi Ak'õre Pedea

²² Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Mateo 5:22 Referans Kwoze

1 Juan 2:9

Abapa ɨnaane bɨade aipɨra, maamina ichi ũpẽa unuemaa uru baipɨra, mãɨ wapida p'ãrione bɨma.

Santiago 3:6

Tachi k'ĩrame t'ɨpɨ tau jĩra bɨma, mãɨnepa ne ãarea k'achia bɨma. Ara tachi k'ak'uade bɨ pẽra k'ak'ua ãarea mietá bɨpiparima, aba piuutadea. Mãɨnepa t'ɨpɨ uruapiru jĩra, tiorepa k'achia pedeapiparima.

Tito 3:2

Ũpẽarã́ jarase: abaɨ k'orea piawẽa pedeadaiwẽa p'anɨma mãɨnepa k'ĩruu pedea p'ananaiwẽa p'anɨma, mãɨpari sõpia p'ananai p'anɨma, jõmãɨrã ome minachia bɨ jĩra p'ananaiwẽa p'anɨma.

Mateo 10:28

Chi nãɨ k'ak'ua peapataɨrã wap'earãt'ɨ. Ãchia nãɨ k'ak'ua p'ue peadaima maamina tachi jaore p'ue peadaiwẽma. Mãɨpari nãɨ k'ak'ua mãɨnepa tachi jaore mietade paai bɨt'a wap'eat'ɨ.

Mateo 18:35

»Mãɨ jĩra ooipɨ mɨ Ak'õre ɨt'ari bɨpa mãra ome pida, mãra ũpẽarã sõchupuriadaepɨra mãɨnepa sõnepa ãchia mãra nemietá oodada k'ɨ̃risia atuadaepɨra.

1 Pedro 3:9

Abaɨ pida mãra piawẽa oosira ara mãɨya oorãt'ɨ. K'achia pedeasira ara mãɨya k'achia pedearãt'ɨ. Mãɨpari ɨt'aa chiidit'ɨ Tachi Ak'õrepa ichi k'aripamẽrá. K'awa p'anɨma Tachi Ak'õrepa mãra atasit'a, mãɨya p'ananamẽrá. Mãɨya p'ananaipɨra, Tachi Ak'õrepa mãra sida k'aripaipɨ.

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

1 Pedro 2:23

Ẽpẽrarãpa ichiá k'achia pedeasidaɨde ãchiá k'achia pedeaé pasima. Ichi piawẽa oosidaɨde ichia jõnea piawẽa ooyade a jaraé pasima. Mãɨpari Tachi Ak'õrepa jĩp'a nepɨra ak'ɨpari pẽra ichi piawẽa oo p'anɨt'a Tachi Ak'õre juade bɨpachima.

Mateo 18:21

Maapae Jesú orrobarik'ari Pedropa idisima: —Mɨ Chipari, mɨ ũpẽapa mɨ nemietá oorude ¿bari k'ak'o jõmasã́ k'ɨ̃risia atuai bɨ? ¿Bari k'ak'o siete pia bɨk'ãra?

Juda 1:9

Maamina Tachi Ak'õrepa ɨt'aripa peeda chi minachia k'awa bɨ Miguelpa mãɨya ook'a pasima. Moisé piuside Miguel tiore ome k'ĩk'ĩrua pedea p'anasima chi k'ak'ua k'ai juade beei k'awayá. Maamina k'achia pedeai k'ɨ̃risiaé pasima, mãɨyawẽapuru jarasima: «Tachi Chiparipa pɨ ɨtɨaipɨ».

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

Marco 14:55

Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea k'achia pedeadamẽrá. Ichi nepɨrade baepidak'ari peapidayade a k'ɨ̃risiasidama. Maamina ãpia pida ununaé pasima.

Mateo 26:59

Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea sea k'achia pedeadamẽrá. Ichi nepɨra pará bɨade adak'ari peapidai k'ɨ̃risiasidama.

Juan 11:47

Mãɨpuru p'ariseorã mãɨnepa p'aarerã chi chaarearãpa ara ãchi paara t'ɨ̃ peedak'ari, pedea ausidama. Nãɨya jarasidama: —Tachia ¿k'ãre oodaima? Mãɨ ẽpẽrapa ne p'ue oodak'apɨ́ minachia oo bɨma.

Apocalipsi 20:14

Tachi Ak'õrepa chi tachi piudai p'anɨt'a jõpisima t'ɨpɨ uruade bat'a peeru jĩra. Ichiaba chi piudaadarã p'anapataɨmá t'ɨpɨ uruade bat'a peesima. Mãɨ uria azup're t'ɨpɨ urua nɨbɨmá bari k'ak'o ume piusiade apatama.

Hecho 7:37

Ara mãɨ Moisepa israel ĩjũanepemarã́ jarasima: “Tachi Ak'õrepa mɨ peeda jĩra chi ichi pari pedeaparí aba mãramá peeipɨ. Mãɨ ẽpẽra ara mãra p'uurudepema paipɨ. Ichia jararut'a ãarea ĩjãat'ɨ”.

Luca 12:5

Mɨa mãrá jararuma k'ait'a piarã wap'eadai p'anɨma. Mãrapa wap'eadai p'anɨma nãɨ k'ak'ua peak'ari p'ue tachi jaore t'ɨpɨ tau uruadea peei bɨt'a. Mɨa piarã jararuma ichit'a wap'eadai pia bɨma.

Mateo 5:44

Maamina mɨa jararuma: mãra chi nek'ĩramá k'ɨ̃riat'ɨ. Chi mãrá k'achia pedeautá pia pedeat'ɨ; mãra k'ĩramá p'anɨrã pia oot'ɨ. Tachi Ak'õrea ɨt'aa chiidit'ɨ ãchi k'aripamẽrá.

Mateo 5:34

Maamina mɨa jararuma: ni abaɨ t'ɨ̃ne piarã ne oodayade arãt'ɨ. Pajã t'ɨ̃ne piarã ne oodayade arãt'ɨ, pajã Tachi Ak'õre poro jũra jɨ̃parí jɨ̃ bɨ suak'a beeparí jĩra bɨẽra.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

1 Juan 5:16

Mãranepema abaɨpa pɨ ũpẽapa nemietá tachi piupik'apɨ́ ooru unuipɨra, ɨt'aa chiidii bɨma. Mãɨya Tachi Ak'õrepa mãɨ k'ɨ̃risia atuak'ari, chok'ae bapiipɨ. Maamina ichiaba tachi piupiparí nemietá paraapɨ. Mɨa ɨt'aa chiidipade a jara bɨwẽma, chi mãɨ nemietá oopataɨrã k'orea.

Santiago 2:20

¡Pɨ k'ɨ̃risia nea bɨma! Chi Jesucristode ĩjãa bɨade a bɨpa nepia oowẽpɨra piarã ĩjãawẽa bɨma ¿Mɨa mãɨ pɨá k'awapii bɨk'ãra?

Hebreo 12:25

Mãɨ k'orea jĩrak'aua p'anat'ɨ Tachi Ak'õrepa jara bɨt'a itu bɨdaemaapa. Chi ichia nãɨ ĩjũane Sinaí eyade jarada itu bɨdaadarã ɨtɨaside ãjã́ p'aneenaé pasima. Mãɨpuru ichia pajãnepa tachi sõne jara bɨt'a itu bɨdaipɨra ¿Mĩrunaik'ãra? Mĩrunaiwẽma.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Corintio 6:6

Maawẽapuru ũpẽa abaɨ chi ũpẽa ome k'ĩruu pedeadak'ari chi nãɨ ĩjũanepema nepɨra ak'ɨpataɨrãmá wãpatama. Piarã mãɨya oodaiwẽa p'anɨma, chi Tachi Ak'õrene ĩjãanak'apɨɨrã k'ĩrari k'ĩruu pedeapata pẽra.

Hecho 5:27

Ateewãnak'ari chi ará pedea p'anapataɨde k'ĩrari nɨbɨsidama. Maapae chi p'aare minachia k'awa bɨpa ãchiá jarasima:

Juan 15:25

Mãɨya p'anɨma ara ãchi Moisepa bɨdade jara bɨ jĩra. Nãɨya jara bɨma: “Mɨ nepɨra newẽa bɨt'a unuemaasidama”.

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Juan 7:20

Mãɨne ẽpẽerãpa idisidama: —¿K'aipa pɨ pea k'ɨ̃ria bɨma? ¿Jaore mietá pɨ k'ak'uade bɨpa mãɨya k'ɨ̃risiapi bɨk'ãra?

Marco 15:1

Ara mãɨ ãsã paẽra p'aarerã chi mãɨrã chaarearã, judiorã chi mãɨrã chaarearã, Moisepa bɨda jarateapataɨrã, mãɨrã ãareaɨrãpa, pedea ausidama Jesú Pilatomá ateewãnai k'orea. Ara mãɨne Jesú jua bɨradak'ari ateewãsidama.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 23:33

»¡Mãra taama jĩra p'anɨma! ¿Tachi Ak'õrepa machi nepɨra pará bɨade ak'ari, t'ɨpɨ tau urua nɨbɨdea peeiwẽane a k'ɨ̃risia p'anɨk'ãra?

Mateo 23:15

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Nãɨ ĩjũane mãɨnepa seniane wãpatama mãrapa jarateade nipada abaɨa ĩjãapidai k'orea. Maamina mãɨ ẽpẽra mãra ome p'ɨrrɨaparí mãra k'aepea atepe k'achia beeipɨ mãɨnepa mãra k'aepea atepe t'ɨpɨ tau uruade paawãipɨ.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Mateo 12:24

Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».

Mateo 10:17

Ẽpẽrarã t'ãena jĩrak'aua p'anat'ɨ. Ãchia mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ.

Luca 22:66

Ãsã pak'ari p'uurudepema chi atepe k'awa p'anɨrã ará p'anasidama chi p'aarerã chi mãɨrã chaarearã mãɨnepa chi Moisepa bɨda jarateapataɨrã paara. Maapae Jesú ãchi k'ĩrari enemeepisidama. Ichiá nãɨya jarasidama:

Hecho 4:15

Mãɨne Pedroa mãɨnepa Juaná tajatá wãpade adak'ari, ya maapae ara ãchi tuaba pedea p'aneesidama, k'ãre oodai k'awadayá.

Hecho 5:21

Ãchia ũrinana ĩjãasidama. Norema tap'ede Tachi Ak'õre te minachia bɨdea wãnak'ari jaratea p'aneesidama. Mãɨmisa chi p'aare minachia k'awa bɨpa mãɨnepa chi ichidirã ome p'anɨrãpa Israeldepema chõarã t'ɨ̃sidama ará posoa pedea p'ananai k'orea. Maapae chi Jesupa peedaɨrã chi ẽpẽerã jɨ̃a nɨbɨpataɨ tedepema enemeepisidama.

Hecho 6:12

Mãɨya ãchia chi p'uurudepemarã, judiorã chi chõarã mãɨnepa judiorã Moisepa bɨda jarateapataɨrã k'ĩruupik'apisidama. Mãɨpuru Esteban jitadak'ari judiorã chi chõarã posoa ará p'anɨmá ateewãsidama.

Hecho 6:15

Ãarea chi chõarã mãma suak'abari p'anɨrãpa chi Esteban ak'ɨutade unusidama ichi k'ĩra Tachi Ak'õrepa ɨt'aripa peeda k'ĩtarra jĩra bɨt'a.

Hecho 22:30

Norema papaká berã chi atepe chaarea bɨpa wapida k'awa k'ɨ̃ria basima judiorãpa mãɨ k'ãre k'orea Pablo nepɨra pará bɨade a jara p'anasit'a. Mãɨpuru ichi k'ãnenapa jɨ̃ bada ẽrasima. Maapae ichia p'aarerã chi mãɨrã chaarearã mãɨnepa ãarea judiorã chaarearã ará p'anapisima. Mãɨne Pablo ateewãk'ari ãchi k'ĩrari bɨsima.

Hecho 23:1

Pablopa judiorã chaarearãmá pia ak'ɨk'ari jarasima: —Mɨ ũpẽarã, mɨ ne k'ɨ̃risiawẽa bɨma, k'awa bɨ pẽra idi wapida Tachi Ak'õre k'ĩrari pia baparit'a.

Hecho 24:20

Mãɨyawẽpɨra chi nãma p'anɨpa jaradai p'anɨma k'ãre nemietá unusidat'a, chi judiorã chaarearã k'ĩrari mɨ ateewãsidaɨde.