Mateo 5:19 - Tachi Ak'õre Pedea

¹⁹ Mãɨneepuru ẽpẽrapa Moisepa bɨdade ne oopi bɨ pedea ooepɨra, mãɨ ãpia pida ooepɨra; mãɨyawẽpɨra waapẽarã́ jarateaipɨra ara mãɨya oopiemaapa, mãɨ waapẽarã k'aepẽra ãpia baipɨ Pajãne Bɨpa ichi juade ua bɨ t'ãena.

Mateo 5:19 Referans Kwoze

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Mateo 11:11

»Mɨa piarã jararuma: nãɨ ĩjũane Juan chi Porochoaparí k'aepẽra ẽpẽra aba pida atepe newẽma. Maamina Pajãne Bɨpa ichidirã ichi juade ua bɨdepema chi wariwẽa k'ɨrɨt'a ichi k'aepẽra chi atepe k'awa baima.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Apocalipsi 2:20

Maamina mɨa mãra k'orea ne ãpia jarai bɨma. Chi wẽra Jezabel apataɨpa sea jaratea bɨt'a mãrapa mãɨa itu jarateapi p'anɨma. Ara ichia Tachi Ak'õre pari pedeapariade aparima. Maamina ichia jaratea bɨdepa chi mɨ pae pari mimiapataɨrã seaparima k'ak'uadepa nemietaade nipadamẽrá mãɨnepa ne k'iuru juapa oodada sãdorã́ teada k'odamẽrá.

Romano 6:15

¿Mãɨnepema sãmaasã́ k'ɨ̃risia p'anɨma? Tachi Ak'õrepa ichi sõpiadepa tachi k'aripada pẽra mãɨnepa tachi Moisepa bɨdadepa p'anɨwẽ pẽra ¿nemietá oodai p'anɨk'ãra? ¡Mãɨyawẽma!

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

Romano 6:1

¿Mãɨ k'orea sãmaasã́ k'ɨ̃risia p'anɨma? ¿Tachi wapida nemietaade nipadaik'ãra Tachi Ak'õrepa ichi sõpiadepa atepe k'ĩra chupuriamẽrá?

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.

Luca 11:42

»¡Mãra p'ariseorã chupuri p'anɨma Tachi Ak'õrepa ɨtɨai pẽra! Mãrapa menta k'irú, ruda k'irú mãɨnepa ne uu ĩjũanepema ome Tachi Ak'õrea teapatama, mãɨ diezedepemacha, aba. Maamina chĩara ome jĩp'a oodak'ama mãɨnepa Tachi Ak'õre k'ɨ̃rianak'ama. Mãɨya oodai pia bɨma, machi ne teapata jĩra Tachi Ak'õrea.

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Romano 3:8

Mãɨyara ¿tachia nemietá oodai p'anɨk'ãra ẽpẽrarãpa Tachi Ak'õrea pia pedeadamẽrá? Chi eda waapẽarãpa ãchi k'ɨ̃risia k'achiadepa jarapatama taipa mãɨya jaratea p'anɨt'a. Chi mãɨya jara berã Tachi Ak'õrepa piarã nepɨra pará p'anɨane aipɨ.

Hecho 1:1

Teóp'ilo, chi k'art'a naena bɨdade mɨa bɨ basima Jesupa ne ãarea ooda mãɨnepa jarateada,

Luca 9:48

Mãɨne nãɨya jarasima: —Chi mɨne ĩjãa bɨ k'orea nãɨ warrá pia pedea bɨpa, mɨá pida pia pedea bɨma. Mãɨ awara chi mɨá pia pedea bɨpa chi mɨ Peedá pia pedea bɨma. Mãranepema chi ãpia k'ɨrɨ Tachi Ak'õre k'ĩrari chi atepe bɨma.

Mateo 20:26

Maamina mãra mãɨya p'ananaiwẽa p'anɨma. Mãranepema chi atepe ba k'ɨ̃ria bɨpɨra chi waapẽarã pae pari mimiaparí jĩra bai bɨma.

1 Juan 3:4

Chi nemietá oo bɨpa Tachi Ak'õre ley ook'ama. Nemietá oorude, Tachi Ak'õre k'ɨ̃riak'ama mãɨnepa chi ley sida.