Mateo 5:17 - Tachi Ak'õre Pedea

¹⁷ »K'ɨ̃risiarãt'ɨ mɨ chesima Moisepa bɨda itu bɨpiemaapa, mãɨyawẽpɨra Tachi Ak'õre pari pedeapataɨrãpa bɨdada itu bɨpiemaapa. Mɨ mãɨ k'orea cheé pasima. Mãɨ k'aepẽra mɨ chesima ãchia jara p'anɨ jõma piarã ooi k'orea.

Mateo 5:17 Referans Kwoze

Romano 10:4

Maamina mãɨya p'ananai k'orea ãchia chi ley oopachidaedapema k'aepẽra, Cristopa ãarea oosima. Chi Cristode ĩjãauta Tachi Ak'õre k'ĩrari jĩp'a berã unuparima.

Luca 16:17

Maamina pajã mãɨnepa nãɨ ĩjũa jõi t'ajuwẽa bɨma Moisepa bɨda jõi k'aepẽra.

Romano 8:4

Ichia mãɨya oosima tachia p'ue jĩp'a oodamẽrá Moisepa bɨdade jara bɨ jĩra. Naapae tachi jĩp'a nipadaipɨ nãɨ k'ak'uapa oo k'ɨ̃ria bɨdepa nipadawẽ pẽra, mãɨpari Tachi Ak'õre Jaoredepa nipapata pẽra.

Romano 3:31

Jesude ĩjãa p'anɨ pẽra ¿Moisepa bɨda itu bɨdai p'anɨk'ãra? Mãɨyawẽma, mãɨpari mãɨ Moisepa bɨda pia unupatama.

Mateo 7:12

Mãrapa k'ɨ̃ria p'anɨma waapẽarãpa mãra pia oodait'a. Mãɨpuru, ara mãɨ jĩra mãrapa waapẽarã pia oot'ɨ, chi Moisepa bɨdade mãɨnepa Tachi Ak'õre pari pedeapataɨrãpa bɨdade jãɨya jara bɨẽra.

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Hecho 18:13

Ãchia jarasidama: —Cha bɨpa ẽpẽerã́ jara bɨma Tachi Ak'õre minachia k'ɨ̃rianai p'anɨt'a maamina tachi romanepemarãpa bɨdade bɨ jĩra jarateak'ama.

Hecho 6:13

Mãɨne sea jaradamẽrá waapẽarã ẽpẽra mãmá ateesidama. Mãɨrãpa nãɨya jarasidama: «Jãɨ ẽpẽrapa Tachi Ak'õre te minachia bɨ k'orea mãɨnepa Moisepa bɨda k'orea k'achia pedea baparima.

Juan 8:5

Moisepa bɨdade jara bɨma jãkɨɨ wẽrarã mawarapa bat'a peapidai p'anɨt'a. Pɨmá ¿pia bɨk'ãra mãɨya oodait'a?

Hecho 21:28

Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima! ¡Nãɨ te abapuru Tachi Ak'õre pae bɨt'a mietá bɨsima!»