Mateo 4:24 - Tachi Ak'õre Pedea

²⁴ Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.

Mateo 4:24 Referans Kwoze

Mateo 17:15

—Mɨ Chipari, mɨ warra k'ĩra chupuriase. Minachia mĩa bɨma. Wawaparima, mãɨnepa edaɨde minachia t'ɨpɨde baeparima mãɨnepa edaɨde toeda baeparima.

Mateo 8:6

—Mɨ Chipari, chi mɨ pae pari mimiaparí tiida bɨma. K'ak'ua minachia p'ua bɨẽra k'ɨdade sorek'ea bɨma.

Luca 5:15

Maamina Jesupa ooda k'orea mãɨ atepe t'ɨ̃ p'oa wãsima. Mãɨpuru ẽpẽrarã chok'ará chepachidama ichia jaratea bɨ ũrinai k'orea. K'ak'ua piawẽa be chepachidama jɨpa beepik'oamẽrá.

Luca 2:2

Mãɨ ewaride Cirenio Siria ĩjũane chi chaarea bɨ paside mãɨ chi naa ẽpẽrarã joisiapida pasima.

Mateo 17:18

Jesupa jaore mietá ɨtɨak'ari, jeret'aaside warra k'ak'uadepema ãyá wãsima. Ara mãɨne chi warra jɨpa beesima.

Mateo 15:22

Mãɨne cananeo wẽra mãɨ tuadepema Jesú nimá chesima. Mãɨ wẽrapa nãɨya jĩk'ua pedea nɨbeesima: —¡Mɨ Chipari, Davidepa cheda, mɨ k'ĩra chupuriase! Mɨ k'au jaore mietapa minachia mĩapi bɨma.

Mateo 12:22

Maapae ẽpẽra jaore mietá pará bɨ Jesumá enemeesidama. Mãɨ ẽpẽra tau p'ãrio basima mãɨnepa k'ĩrame t'urrá basima. Jesupa ichi jɨpa beepisima pedeamẽrá mãɨnepa unu beemẽrá.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 15:23

Ãchi ome k'art'a nãɨya bɨdak'ari tea peesidama: Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarã pida nãɨ k'art'a bɨutama ũpẽarã judiorãwẽ Antioquía p'uurudepema pae, Siria tuadepema pae mãɨnepa Cilicia tuadepema pae. Taipa k'ɨ̃ria p'anɨma mãra pia p'ananait'a.

Marco 2:3

Mãɨya bɨde ẽpẽra k'ĩmari p'anɨrãpa bɨɨrɨ sorek'ea bɨt'a enemeesidama.

Marco 1:32

K'iuk'ari ẽpẽerãpa k'ak'ua piawẽa be mãɨnepa jaore mietá pará be Jesumá ateewãsidama.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Luca 4:14

Mãɨya bak'ari Jesú Tachi Ak'õre Jaore jua chaareadepa Galilea tuadea jĩitea wãsima. Jõma mãɨ tuade ẽpẽerãpa ichi t'ɨ̃ k'orea minachia ũripachidama.

Marco 1:28

Mãɨ k'orea jõma Galilea tuade tãaraawẽa bɨde Jesú t'ɨ̃ p'oa nɨbeesima.

Mateo 14:1

Mãɨ ewaride Herode Galilea tuadepema chi chaarea bɨ pasima. Mãɨ Herodepa Jesupa ooda k'orea ũrisima.

Juan 10:21

Maamina waapẽarãpa jarasidama: «¡Chi ẽpẽra jaore mietá uru bɨpa mãɨya pedeak'ama! ¿Jaore mietapa tau p'ãrio bea pia unupiparik'ãra?»

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Mateo 9:26

Jesupa ooda k'orea ãarea mãɨ tuade ũrisidama.

Mateo 8:28

Maapae senia choma k'ĩaria wãnak'ari Gadara tuadea chesidama. Mãɨne ẽpẽra ume jaore mietá pará p'anɨ jãɨrã te p'ẽya uriadepa ochiadak'ari Jesumá chesidama. Mãɨ ẽpẽra minachia k'ĩruu p'anapachida pẽra aba pida mãmaria wãnak'a pasima.

Mateo 8:33

Mãɨ sinarã ak'ɨ p'ananapa mãɨya ununak'ari, p'ira wãsidama p'uurudea. Mãma padak'ari ẽpẽrarã jaore mietá pará beadapa mãɨ ãarea nepɨrɨsidama.

Marco 2:4

Maamina ẽpẽerã minachia nɨbɨdepa ichi Jesú bɨmá p'ue ateewãnaé pasi pẽra, te ɨ̃rɨ uria oodak'ari chi sorek'ea bɨ chi ẽpẽra uapataɨde bari bɨt'a edá t'aa peesidama Jesumá.

Marco 2:9

Mãramá ¿chi sãɨ jarait'a chaarea bɨma: “Pɨa nemietá ooda k'ɨ̃risia atuayade ait'a wa p'irabarik'ari pɨ ne ẽpẽra uapataɨ atak'ari nipapade ait'a?”

Luca 4:38

Judiorã ará pedeapataɨ tedepa wãk'ari Jesú Simón tedea wãsima. Mãma Simón p'ak'õre minachia k'ɨa nɨbasima. Mãɨpuru Jesua chichupuria idisidama jɨpa beepimẽrá.

Luca 5:24

Tachi Ak'õrepa mɨ, chi Ẽpẽra Warra bɨsima nãɨ ĩjũane p'anɨpa nemietá oopataɨ k'ɨ̃risia atuamẽrá. Mãɨ mãrá unupiipɨ. Ara mãɨne chi sorek'ea bɨa nãɨya jarasima: —P'irabarise. Pɨchi ne ẽpẽra uapataɨ atak'ari tiidá wãse.

Hecho 8:7

Minachia ẽpẽerã jaore mietá pará be jɨpa beepik'oasidama. Mãɨ jaore mietaarã biadak'ari ãchi k'ak'uadepema ãyá wãk'oapachidama. Ichiaba minachia sorek'ea be mãɨnepa jĩru piawẽa be jɨpa beepik'oapachidama.

Luca 7:17

Mãɨpuru ãarea Judea tuade mãɨnepa mãma k'ait'a berã tuade Jesú k'orea ãarea ũripachidama.

Hecho 28:9

Mãɨpuru waapẽarã k'ɨdade be chedak'ari Pablopa jɨpa beepisima.