Mateo 4:23 - Tachi Ak'õre Pedea

²³ Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Mateo 4:23 Referans Kwoze

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Marco 1:39

Mãɨya Galilea tuade ãarea p'ɨrrɨasima. Judiorã ará pedeapataɨ techa jarateapachima. Ichi wãrumá jaore mietá ãyá jerek'oapachima.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Luca 7:22

Mãɨpuru Jesupa ãchiá nãɨya p'anoosima: —Mãrapa unu p'anɨ mãɨnepa ũri p'anɨ Juaná nepɨrɨde wãt'ɨ: tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chichupuria k'edea chi Tachi Ak'õrepa ãchi k'aripai k'orea pedea ũri p'anɨma.

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 13:54

Maapae ichi p'uurudea chesima. Ewariaba judiorã ará pedeapataɨ tede jaratea basima. Chi ũri p'anɨpa k'awa k'ɨ̃risiadaé pasi pẽra nãɨya jarasidama: —Nãɨpa ¿sãmãɨpa jãɨ k'ɨ̃risia k'awa atasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Marco 1:21

Ãchi Capernaum p'uurudea wãsidama. Maapae mimianak'apɨ́ ewaride Jesú judiorã ará pedeapataɨ tedea wãk'ari Tachi Ak'õre pedea jaratea beesima.

Romano 10:15

Tachi Ak'õrepa abaɨ pida peewẽpɨra, ¿sãmaasã́ jarateade wãnaima? Tachi Ak'õre pedeade nãɨya bɨ bɨma: «Chi pedea pia jarade cheuta minachia pia p'anɨma».

Luca 8:1

Mãɨya bak'ari Jesú p'uuru waibɨa becha mãɨnepa p'uuru chak'e becha wãsima. Mãɨne jarapachima Tachi Ak'õrepa ichidirã ichi juade ua bɨ k'orea. Mãɨ pedea pia jaratea niparude ichia doce peedaɨrã ichi ome p'ɨrrɨapachidama.

Marco 6:2

Mimianak'apɨ́ ewaride Jesupa judiorã ará pedeapataɨ tede Tachi Ak'õre pedea jaratea beesima. Mãɨne chok'ará ũri p'anɨpa k'awa k'ɨ̃risiadaé pasi pẽra mãɨya jara tuaneesidama: —Ichia ¿sãmãɨpa jãɨ k'ɨ̃risia k'awasima? ¿K'aipa ichiá k'ɨ̃risia teasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Mateo 24:14

Mãɨne chi pedea pia Tachi Ak'õrepa ichidirã ichi juade ua bɨ k'orea jõma nãɨ ĩjũane jaradaipɨ p'uuru becha ũrinamẽrá. Mãɨya bak'aripuru nãɨ ewari jõipɨ.

Mateo 12:9

Jesú jãmãɨpa judiorã ará pedeapataɨ tedea eda wãsima.

Juan 18:20

Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Luca 13:10

Mimianak'apɨ́ ewaride Jesupa judiorã ará pedeapataɨ tede jaratea basima.

Luca 9:11

Maamina ẽpẽrarãpa ichi mãma bɨ k'awadak'ari ará wãsidama. Mãɨne Jesupa ãchiá pia pedeak'ari jaratea beesima Tachi Ak'õrepa ichidirã ichi juade ua bɨ k'orea. Mãɨ pedea pia jaratea bɨde chi k'ak'ua piawẽa k'ede jɨpa beepik'oasima.

Luca 5:17

Ewariaba Jesupa jaratea bɨde p'ariseorã mãɨnepa Moisepa bɨda jarateapataɨrã arí suak'abari p'anasidama. Ãchi Galilea tuadepa, Judea tuadepa mãɨnepa Jerusalén p'uurudepa che p'anasidama. Mãɨne Tachi Chipari jua chaareadepa Jesupa k'ɨdade be jɨpa beepipachima.

Marco 6:6

Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima. Jesupa p'uuru chak'e becha jaratea wãsima.

Marco 1:14

Juan chi Porochoaparí eda jɨ̃a nɨbɨdak'ari Jesú Galilea tuadea wãk'ari chi pedea pia Tachi Ak'õre k'orea jarateapachima.

Hecho 20:25

»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a.

Hecho 18:4

Mimianak'apɨ́ ewaricha Pablo judiorã ará pedeapataɨ tede pedea bapachima judiorãpa mãɨnepa griegorãpa Jesude ĩjãanamẽrá.

Juan 6:59

Jesupa jõma mãɨ Capernaune jarateasima judiorã ará pedeapataɨ tede.

Luca 10:9

Mãɨ awara chi k'ak'ua piawẽa berã jɨpa beepik'oat'ɨ. Ãchiá nãɨya jarat'ɨ: “Tãaraawẽa bɨde, Tachi Ak'õrepa mãra ichi juade ua beeipɨ, ichidirã paara”.

Luca 6:17

Maapae Jesú ãchi ome eyadepa edá chedak'ari, k'oriide bai nɨp'aneesidama. Mãma ichi ome p'ɨrrɨapataɨrã chok'ará p'anɨ mãɨnepa waapẽarã ẽpẽerã minachia cheuta ome ará nɨbeesima. Mãɨ ẽpẽrarã Judea tuadepa, Jerusalenepa, senia choma ik'idaapema p'uuru Tirodepa mãɨnepa Sidonepa

Mateo 14:14

Jesú p'ãp'orrodepa edá batoorude mãɨ ẽpẽerã minachia nɨbɨ chupuria unuk'asima. Mãɨpuru chi k'ak'ua piawẽa k'ede jɨpa beepik'oasima.

Mateo 13:19

Chi net'a tau ode p'oda nãɨya jara k'ɨ̃ria bɨma: Pajãne Bɨpa ichidirã ichi juade ua bɨ k'orea abaɨ pida ũrik'ari k'awaepɨra, tiorepa mãɨ pedea ichi sõne cheda k'ɨ̃risia atuapiipɨ.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Juan 7:1

Mãɨya nak'ari Jesú Galilea tuade p'ɨrrɨa nipasima. Judea tuadea wã k'ɨ̃riaé pasima judiorã chi minachia k'awa p'anɨrãpa peadayá oo p'anasi pẽra.

Luca 20:1

Ewariaba Jesupa Tachi Ak'õre te eda ẽpẽrarã́ ichi k'orea pedea pia pedea basima. Mãɨne p'aarerã chi mãɨrã chaarearã, Moisepa bɨda jarateapataɨrã mãɨnepa judiorã chaarearã chesidama.

Luca 4:14

Mãɨya bak'ari Jesú Tachi Ak'õre Jaore jua chaareadepa Galilea tuadea jĩitea wãsima. Jõma mãɨ tuade ẽpẽerãpa ichi t'ɨ̃ k'orea minachia ũripachidama.

Luca 6:6

Waapẽarã mimianak'apɨ́ ewaride Jesú judiorã ará pedeapataɨ tedea eda wãk'ari jaratea basima. Mãma ẽpẽra juaraaripema sorek'ea bɨt'a basima.

Luca 7:21

Ara mãɨ ewaride Jesupa k'ak'ua piawẽa be, jaore mietá pará be, tau p'ãrio be sida chok'ará jɨpa beepik'oa basima.

Luca 9:60

Jesupa ichiá jarasima: —Itu bɨse, chi piudaadapa chi piudada t'ɨbaridamẽrá. Maamina pɨa ẽpẽrarã́ jarade wãse Tachi Ak'õrepa ichidirã ichi juade ua bɨ k'orea.

Luca 16:16

»Juan chei naena Moisepa bɨda mãɨnepa Tachi Ak'õre pari pedeapataɨrãpa bɨdada tachia uru p'anasidama. Mãɨ ewaridepa taipa chi pedea pia Tachi Ak'õrepa ichidirã ichi juade ua bɨ k'orea jaratea p'anɨma. Piarã ẽpẽrarãpa ne ãarea oo p'anɨma Tachi Ak'õre juade p'aneenai k'orea.

Hecho 28:31

Ichia wap'eawẽa pedeapachima Tachi Chipari Jesucristodepa Tachi Ak'õrepa ichidirã ichi juade ua bɨ k'orea. Mãɨne abaɨ pida ichiá ne mãɨya oorãpade a jarak'a pasima.