Mateo 3:7 - Tachi Ak'õre Pedea

⁷ Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima: «Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

Mateo 3:7 Referans Kwoze

Mateo 12:34

¡Taama ẽpẽrarã! ¿Mãra chi k'achiarãpa sãmaasã́ nepia pedeadaima? Ẽpẽrapa ichi sõne k'ɨ̃risia bɨ jĩra pedeaparima.

1 Tesalonicense 1:10

Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Mateo 23:33

»¡Mãra taama jĩra p'anɨma! ¿Tachi Ak'õrepa machi nepɨra pará bɨade ak'ari, t'ɨpɨ tau urua nɨbɨdea peeiwẽane a k'ɨ̃risia p'anɨk'ãra?

Romano 5:9

Cristo oa ãrinanepa Tachi Ak'õrepa tachi chi ichidirã jĩp'a berã paara bɨparima. Mãɨpuru Cristodepa Tachi Ak'õrepa tachi ɨtɨai pada piarã k'aripaipɨ.

Mateo 22:23

Ara mãɨ ewaride waapẽarã saduceorã Jesumá chesidama. Saduceorãpa jarapatama piudaadarã chok'ae p'irabaridaiwẽt'a. Mãɨpuru Jesua nãɨya jarasidama:

Mateo 16:6

Mãɨne Jesupa jarasima: —Jĩrak'aua p'anat'ɨ chi p'ana ooropiparí p'ariseorãné ome mãɨnepa chi saduceorãné ome.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

Juan 9:40

Waapẽarã p'ariseorã Jesú k'ait'a p'anɨpa mãɨ pedea ũrisidaɨde idisidama: —Pɨa ¿k'ãre k'orea mãɨya jara bɨma? ¿Tai tau p'ãrio p'anɨk'ãra?

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

Hecho 26:5

Ãchia k'awa p'anɨma mɨ p'ariseopɨ. Parituapa mãɨ pɨ k'ĩrari jara k'ɨ̃ria bɨpɨra, mãɨ jarai bɨma. Pɨa k'awa bɨma Moisepa bɨda ũrinai k'orea p'ariseorãpa jĩrak'aua oopataɨ.

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.

Hecho 15:5

Maamina waapẽarã p'ariseorã Jesude ĩjãapataɨrãpa bai nɨp'aneenak'ari jarasidama: —Chi ũpẽarã judiorãwẽ k'ak'ua tauchaadai p'anɨma. Ãchirã́ jarateadai p'anɨma Moisepa bɨda ĩjãanamẽrá.

Hecho 5:17

Chi p'aare minachia k'awa bɨ mãɨnepa saduceorã chi ichi paara p'anana sõk'achia p'aneesidama.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Juan 1:24

Chi eda waapẽarã chi Juanmá peedaadarã p'ariseorã pasima.

Luca 18:11

P'ariseo bai nɨbɨpa ara ichia nãɨya ɨt'aa chiidisima: “Tachi Ak'õre, mɨ sõpia bɨade pɨá aipɨ mɨ waapẽarã jĩra bak'a pẽra. Ãchi nechɨapatama, nemietá oopatama, wẽra awaraɨ ome k'ãipatama. Ichiaba mɨ jãɨ Romanepema pae erreara jɨrɨp'eparí jĩra bɨwẽma.

Luca 16:14

Jesupa jarada p'ariseorãpa ãarea ũri tuanasidama. Ãchia erreara k'ɨ̃riapata pẽra Jesú oo uru p'aneesidama.

Luca 7:30

Maamina p'ariseorãpa mãɨnepa Moisepa bɨda jarateapataɨrãpa Tachi Ak'õrepa ãchi pae oo k'ɨ̃ria bada itu bɨsidama. Mãɨpuru Juanpa ãchi porochoaé pasima.

Marco 12:18

Maapae chi eda waapẽarã saduceorã Jesú orrobarisidama. Saduceorãpa jarapatama piudaadarã chok'ae p'irabaridaiwẽt'a. Mãɨpuru Jesua nãɨya idisidama:

Marco 12:13

Mãɨya nak'ari p'ariseorãpa mãɨnepa Herodedepemarãpa Jesumá ẽpẽerã peesidama ichiá piawẽa pedeapidai k'orea.

Marco 8:15

Mãɨne Jesupa jarasima: —Jĩrak'aua p'anat'ɨ chi p'ana ooropiparí p'ariseorãné ome mãɨnepa chi Herodedé ome.

Mateo 22:34

P'ariseorãpa k'awasidama Jesupa saduceorã k'ĩup'eapida. Mãɨ k'orea ãchi ará nɨbeedak'ari Jesumá wãsidama.

Mateo 22:15

Mãɨya bak'ari p'ariseorãpa pedea ausidama Jesua pedea ãyá pedeapidai k'orea.

Mateo 12:24

Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».

Mateo 5:20

Mɨa piarã jararuma: Moisepa bɨda jarateapataɨrãpa oo p'anɨ k'aepẽra mãɨnepa p'ariseorãpa oo p'anɨ k'aepẽra mãrapa jĩp'a oodaepɨra, Pajãne Bɨpa mãra ichi juade ua baiwẽma.

Hebreo 6:18

Tachi Ak'õrepa sea jarak'a pẽra ichia teai jarada piarã teaipɨ mãɨnepa ichi t'ɨ̃nepa jarada k'ĩra awara ooiwẽma. Mãɨ ne ume p'anɨnepa, taipa Tachi Ak'õre jɨrɨpatama tai k'aripamẽrá mãɨnepa k'ɨ̃riamẽrá. Ichia jarada piarã ooit'a k'awa p'anɨẽra tachia p'ue p'erawẽa ĩjãa p'ananaipɨ. Mãɨpa chi Jesudepa jitadai k'orea nɨ p'anɨt'a itu bɨdaiwẽma.

Mateo 15:12

Mãɨya bak'ari Jesú ome p'ɨrrɨapataɨrãpa orrobari chedak'ari jarasidama: —¿Pɨa k'awa bɨk'ãra p'ariseorã sõne kĩruusidaɨt'a jãɨ pedea jarada k'orea?

Mateo 16:1

Mãɨya bak'ari waapẽarã p'ariseorã mãɨnepa saduceorã Jesumá orrobarisidama, ichi Tachi Ak'õrenepa che bɨ k'awadayá. Mãɨ k'orea ichiá idisidama ẽpẽrarãpa ne p'ue oodak'apɨ́ oomẽrá.