Mateo 27:63 - Tachi Ak'õre Pedea

⁶³ —Tai chipari, taipa k'ɨ̃risia p'anɨma jãɨ ẽpẽra seayá bɨ wapida chok'ae baside nãɨya jarasima: “Mɨ ewari ũpeaɨde chok'ae p'irabariipɨ”.

Mateo 27:63 Referans Kwoze

Luca 9:22

Mãɨ awara jarasima: —Mɨ, chi Ẽpẽra Warra minachia chupuria mĩa baipɨ. P'uurudepema minachia k'awa berãpa, p'aarerã chi mãɨrã chaarearãpa mãɨnepa Moisepa bɨda jarateapataɨrã pida mɨ itu bɨdak'ari peapidaipɨ. Maamina mɨ ewari ũpeaɨde chok'ae p'irabariipɨ.

Mateo 16:21

Mãɨ ewaridepa Jesupa ichi ome p'ɨrrɨapataɨrã́ jarapachima ichi Jerusalene minachia mĩai bɨ. Nãɨya jarasima: —P'uurudepema chaarearã juade, p'aarerã chi mãɨrã chaarearã juade mãɨnepa Moisepa bɨda jarateapataɨrã juade mɨ minachia mĩaipɨ. Mɨ peapidaipɨ maamina ewari ũpeaɨde chok'ae p'irabariipɨ.

Juan 2:19

Jesupa p'anoosima: —Nãɨ te minachia bɨt'a ãrinaipɨra, mɨa ewari ũpeaɨde mãicha ooipɨ.

Luca 18:33

Maapae mɨ soapa p'edak'ari peadaipɨ. Maamina ewari ũpeaɨde mɨ chok'ae p'irabariipɨ».

Marco 10:34

Mãɨrãpa mɨ oo uru p'ananak'ari, taba idudak'ari, soapa p'edak'ari peadaipɨ. Maamina ewari ũpeaɨde mɨ chok'ae p'irabariipɨ.

Marco 8:31

Mãɨya bak'ari Jesupa chi ichi ome p'ɨrrɨapataɨrã́ nãɨya jaratea beepachima ichi minachia mĩa bai bɨ k'orea: —P'uurudepema minachia k'awa berãpa, p'aarerã chi mãɨrã chaarearãpa mãɨnepa Moisepa bɨda jarateapataɨrã pida mɨ itu bɨdak'ari peapidaipɨ. Maamina mɨ ewari ũpeaɨde chok'ae p'irabariipɨ.

Mateo 20:19

Maapae mɨ judiorãwẽa teadaipɨ. Mãɨrãpa mɨ oo uru p'ananak'ari, soapa p'edak'ari maapae k'urusude peadaipɨ. Maamina ewari ũpeaɨde chok'ae p'irabariipɨ”.

Mateo 17:23

Ãchia mɨ peadaipɨ, maamina ewari ũpeaɨde mɨ chok'ae p'irabariipɨ. Mãɨ k'orea ãchi k'ĩra piawẽa p'aneesidama.

Mateo 26:61

Mãɨrãpa jarasidama: —Nãɨ ẽpẽrapa jarasima: “Mɨa Tachi Ak'õre te minachia bɨ p'ue ãarea ãrik'ari, ewari ũpeaɨde mãicha ooyade asima”.

2 Corintio 6:8

Edaɨde waapẽarãpa tai k'orea pia jarapatama. Edaɨde k'achia pedeapatama. Edaɨde tai k'orea piawẽa t'ɨ̃ p'oapipatama. Edaɨde pia t'ɨ̃ p'oapipatama. Taipa chi piarã pedea jara p'anɨmina waapẽarãpa jara p'anɨma taipa sea jara p'anɨt'a.

Juan 7:12

Mãɨne chok'ará arí p'anɨrãpa Jesú k'orea wawaria pedeapachidama. Waapẽarãpa jarapachidama: «Ichi ẽpẽra pia bɨpɨ», maamina waapẽarãpa jarapachidama: «Mãɨyawẽma; ẽpẽerã seaparipɨ».

Luca 23:2

Maapae Pilato k'ĩrari Jesú nãɨya nepɨra pará bɨade a para beesima: —Taipa ũrisidama nãɨ ẽpẽrapa tai p'uuru k'ĩruupik'apii jĩra bɨt'a. Ichimá, taipa chi Romanepema chi atepe poro chaarea bɨ pae erreara k'oarapataɨ p'aai pia bɨwẽma. Mãɨ awara jara bɨma ichi chi Tachi Ak'õrepa Tachi K'aripaparí teai jaradapɨ. Mãɨpa ichi jõmãɨrã minachia k'awa bɨade a bɨma.

Juan 7:47

Mãɨ k'orea p'ariseorãpa jarasidama: —¿Mãɨya bɨpɨra ichia mãra sida seasik'ãra?

Mateo 27:64

Mãɨpuru ichi t'ɨbarida ewari ũpea minachia ak'ɨpise ichi ome p'ɨrrɨapataɨrãpa teamasi chedak'ari ichi k'ak'ua chɨapidaemaapa. Mãɨya ãchia p'ue jaradaiwẽma p'uurudepemarã́ ichi piu bada chok'ae p'irabarisit'a. Ãchia ichi chok'ae p'irabarisiade adaipɨra, ichia naa sea ooda k'aepẽra mãɨ seadepa wariara atepe seadaipɨ.

Mateo 28:6

Ichi nãma bɨwẽma. Piarã chok'ae p'irabarisima ichia jarada jĩra. Ichi t'ɨbaridaadamá ak'ɨde chet'ɨ.

Marco 9:31

chi ichi ome p'ɨrrɨapataɨrã́ jaratea bada pẽra. Mãɨne ãchiá jarasima: «Mɨ, chi Ẽpẽra Warra abaɨpa jitapik'ari, ẽpẽerã́ teaipɨ. Ãchia mɨ peadaipɨ, maamina ewari ũpeaɨde mɨ chok'ae p'irabariipɨ».

Luca 18:31

Jesupa doce peedaɨrã awara ateewãk'ari jarasima: «Tachi Ak'õre pari pedeapataɨrãpa mɨ, chi Ẽpẽra Warra k'orea k'art'ade bɨsidama. Tachi Jerusalene cheutade ãchia bɨdada jõma mãɨyaipɨ.