Mateo 27:4 - Tachi Ak'õre Pedea

⁴ Ãchiá jarasima: —Mɨa ẽpẽra nepɨra newẽa bɨ jitapida pẽra nemietá oosima. Mãɨne ãchia jarasidama: —¿Taimá mãɨ sãima? Mãɨ porepɨ.

Mateo 27:4 Referans Kwoze

1 Juan 3:12

Caín jĩra p'ananaiwẽa p'anɨma. Tioredé pasi pẽra ichi ũpẽa peasima. ¿K'ãre k'orea ichi ũpẽa peasima? Peasima ichi ũpẽapa oo bada Tachi Ak'õre k'ĩrari pia bada pẽra mãɨnepa ichia ooda piawẽa bada pẽra.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

Tito 1:16

Ãchia jarapatama Tachi Ak'õre k'awa p'anɨt'a, maamina ãchia oo p'anɨnepa unupipatama ichi itu bɨ p'anɨt'a. Ãchi k'ɨɨrɨwẽa be mãɨnepa nepia oodai k'orea p'ananak'ama. Ãchia oopataɨ Tachi Ak'õrepa k'ɨ̃riak'ama.

1 Timoteo 4:2

Mãɨ jaore mietaarãpa jarateapi p'anɨ, ẽpẽrarã chi pia jĩra bepa jarateapatama. K'achia minachia oopataɨdepa mãɨ ẽpẽrarãpa nepɨra pia wa nepɨra nemietá atua p'anɨma.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Hecho 13:28

Mi ãpia pida nemietá ooda ununawẽmina ãchia Pilatoa jarasidama peamẽrá.

Juan 19:7

Maamina judiorãpa p'anoosidama: —Taipa Moisepa bɨda uru p'anɨma. Mãɨ Moisepa bɨdade jara bɨ jĩra ichi piui bɨma ara ichi Tachi Ak'õre Warraade a bɨ pẽra.

Luca 23:47

Mãɨ unuside papaká berã chi mãɨrã chaarea bɨpa Tachi Ak'õrea nãɨya pia jarasima: —Piarã nãɨ ẽpẽra jĩp'a basima.

Luca 23:41

Tachi ume nãɨya piudai p'anɨma nemietá oodada pẽra. Maamina cha bɨ ẽpẽrapa ¿k'ãre nemietá oosima?

Luca 23:22

Mãɨne Pilatopa mãicha ãchiá jarasima: —¿Maamina nãɨ ẽpẽrapa k'ãre nemietá oosima? Ichia nemietá oowẽa bɨma peadai k'orea. Mãɨpuru soapa p'epik'ari k'ẽet'aaipɨ.

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Mateo 27:19

Pilato ẽpẽrarã nepɨra ak'ɨparide suak'abari beeside, chi k'imapa nãɨ pedea ichimá jara peesima: «Jãɨ ẽpẽra jĩp'a bɨ k'ẽet'aase. Idi ichi ome k'ãmok'araada pẽra mɨ minachia wap'ea bɨma».

Apocalipsi 11:10

Chi ẽpẽerã nãɨ ĩjũanepemarã chi piudada k'orea arapaapatama. Arapá p'anɨnepa ara ãchicha ne pari teadaipɨ Tachi Ak'õre pari pedeapataɨrãpa ãchiá minachia mĩapisida pẽra.