Mateo 27:32 - Tachi Ak'õre Pedea

³² Mãmãɨpa wãsidaɨde papaká berãpa ẽpẽra Simón apataɨ unusidama. Ichi Cirene p'uurudepema pasima. Ãchia mãɨ Simonoa Jesú k'urusu uapisidama.

Mateo 27:32 Referans Kwoze

Marco 15:21

Jesú p'uuru awara ateewãsidaɨde ẽpẽra Simón apataɨ Jerusalenea cheru pasima. Alejandro mãɨnepa Rup'o ak'õre pasima. Ichi Cirene p'uurudepema pasima. Chi papaká berãpa mãɨ ẽpẽrá Jesú k'urusu uapisidama.

Luca 23:26

Jesú k'urusude barijira bɨdai k'orea ateewãsidaɨde, Cirenenepema Simón p'uurudea cheru pasima. Jesupa k'urusu ua nipada mãɨ Simonoa uapidak'ari ichi k'aade ateepisidama.

Mateo 16:24

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Hecho 6:9

Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.

Hecho 2:10

P'rigiadepema, Panp'iliadepema, Egitodepema, Libia tuade Cirene p'uuru k'ait'adepema mãɨnepa Romanepema nãma p'anɨma. Tachi judiorã mãɨnepa judiorã padada nãma p'anɨma.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 11:20

Mãɨya p'anɨne chi eda waapẽarã Jesude ĩjãapataɨrã Chipredepema mãɨnepa Cirene p'uurudepema Antioquiadea p'aneene wãsidama. Mãɨrãpa griegorã́ pida chi pedea pia Tachi Chipari Jesú k'orea jara p'aneesidama.

Juan 19:17

Jesupa ichi k'urusu ua beek'ari papaká berãpa ichi ateewãsidama ĩjũa Poro Bɨɨrɨ apataɨmá. Hebreo pedeade Gólgota apatama.

Hecho 7:58

P'uuru ãyá ateewãnak'ari mawarapa bat'a p'aneesidama. Chi ichi k'achia oodayade adaadarãpa ãchia neet'á ɨ̃rɨ jɨ̃pataɨ ẽranak'ari k'ũtã́ k'ait'a bɨa teasidama mãɨ ak'ɨmẽrá. Mãɨ Saulo apachidama.

Mateo 5:41

Ichiaba ẽpẽra chaarea bɨpa ne chɨk'ɨa uapisira kilómetro aba, sõpia ua ateewãse kilómetro ume.