Mateo 27:17 - Tachi Ak'õre Pedea

^17-18 Pilatopa k'awa basima ãchia Jesú jitapi p'anana ichi unuemaa uru p'anananeepuru. Mãɨpuru chi ẽpẽrarã minachia cheepɨrɨ nɨbɨa idisima: —¿K'ai mãrapa k'ɨ̃ria p'anɨma mɨa k'ẽet'aamẽrá: Barrabá wa Jesú, mãɨ Tachi Ak'õrepa Tachi K'aripaparí teai jaradamanaɨt'a?

Mateo 27:17 Referans Kwoze

Juan 19:15

Maamina ãchia jĩk'ua jarasidama: —¡Ateewãpik'ari, peapise! ¡Ateewãpik'ari, peapise! ¡K'urusude barijira bɨk'ari, peapise! Mãɨ k'orea Pilatopa jarasima: —¿Mãɨyara mɨa mãra poro jũra jɨ̃parí jɨ̃ bɨ k'urusude barijira bɨk'ari, peapiik'ãra? Mãɨne p'aarerã chi mãɨrã chaarearãpa p'anoosidama: —¡Taipa poro jũra jɨ̃parí jɨ̃ bɨ awara newẽma! ¡Abapuru uru p'anɨma tachi romanepema chi atepe poro chaarea bɨt'a!

Mateo 1:16

Jacó José ak'õre pasima. José María k'ima pasima. María Jesú nae pasima. Ara mãɨ Jesú Tachi Ak'õrepa Tachi K'aripaparí teai jaradaade apataɨpɨ.

Mateo 27:16

Mãɨ ewaride romanepemarãpa aba eda uru jɨ̃a nɨbɨ uru p'anasidama, Barrabá apataɨ. Ẽpẽrarã chok'araɨrãpa mãɨ Barrabá t'ɨ̃ ũri p'anapachidama.

Juan 4:25

Chi wẽrapa jarasima: —Mɨa k'awa bɨma Tachi Ak'õrepa Tachi K'aripaparí teai jarada piarã cheit'a. Ichi cherude tachiá ne ãarea k'awapiipɨ.