Mateo 26:69 - Tachi Ak'õre Pedea

⁶⁹ Pedro mãɨ te tuda suak'abari baside, mimiaparí wẽra aba ichimá chesima. Mãɨ wẽrapa jarasima: —Pɨ Jesú Galileadepema ome p'ɨrrɨa bapachima.

Mateo 26:69 Referans Kwoze

Mateo 26:71

Maapae Pedro edaɨpa tajataria wãru pasima. Te eda wãpataɨde, awaraɨ mimiaparí wẽrapa ichi unuk'ari chi arí p'ananarã́ jarasima: —Cha nãɨ Jesú Nazaredepema ome p'ɨrrɨa bapachima.

Hecho 5:37

Mãɨya nak'ari Romanepemarãpa ẽpẽerã k'awadayá joisiapiutade, Juda Galileadepema sida mãɨ Juda jĩra k'ɨ̃risia basima. Mãɨ Judapa ẽpẽerã minachia ichi ome uru basima. Maamina romanepemarãpa ichi peasidaɨde ãarea chi ichi ome p'anana jĩichoasidama.

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.

Juan 7:41

Mãɨnepa waapẽarãpa jarasidama: «Ichi Tachi Ak'õrepa Tachi K'aripaparí teai jaradapɨ». Maamina waapẽarãpa jarasidama: «Mãɨyawẽma. ¿Tachi Ak'õrepa Tachi K'aripaparí teai jarada Galileadepa cheik'ãra?

Juan 1:46

Natanaelpa P'elipea jarasima: —¿Mãɨyara nepia tachi pae Nazaredepa cheik'ãra? P'elipepa jarasima: —Ak'ɨde wãnama.

Mateo 26:58

Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome suak'abari beesima, Jesú ome sãmaasã́ oodai k'awai k'orea.

Mateo 26:3

Mãɨmisa judiorã chaarearã, Moisepa bɨda jarateapataɨrã mãɨnepa p'aarerã chi mãɨrã chaarearã Caip'á te chomane ãarea ará jere nɨbeesima. Mãɨ Caip'á p'aare minachia k'awa bɨ basima.

Mateo 21:11

Idiutacha Jesú ome chedaadarãpa p'anoopachidama: —Jãɨ Jesupɨ, Tachi Ak'õre pari pedeaparipɨ. Ichi Nazaré p'uurudepemama, mãɨnepa Galilea tuadepemama.

Mateo 26:70

Maamina Pedropa jõmãɨrã k'ĩrari mẽrasima. Nãɨya jarasima: —Mɨa atua bɨma pɨa k'ãre jara bɨt'a.