Mateo 26:63 - Tachi Ak'õre Pedea

⁶³ Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Mateo 26:63 Referans Kwoze

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 27:12

Mãɨne p'aarerã chi mãɨrã chaarearãpa mãɨnepa judiorã chaarearãpa ichia ne minachia k'achia oo bɨade asidama, maamina ichia p'anooé pasima.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 19:9

Maapae ichi te minachia bide eda mãicha wãk'ari Jesua idisima: —¿Pɨ sãmapemama? Maamina Jesupa p'anooé pasima.

Juan 19:7

Maamina judiorãpa p'anoosidama: —Taipa Moisepa bɨda uru p'anɨma. Mãɨ Moisepa bɨdade jara bɨ jĩra ichi piui bɨma ara ichi Tachi Ak'õre Warraade a bɨ pẽra.

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

Juan 10:36

¿k'ãre k'orea jara p'anɨma mɨa ichidepema k'achia jarasiade a p'anɨma, mɨa abapuru ichi Warraade a bɨẽra? Tachi Ak'õrepa mɨ ara ichi pae bɨsima mãɨnepa nãɨ ĩjũanea peesima.

Juan 10:30

Mɨ, mɨ Ak'õre ome aba p'anɨma.

Juan 10:24

Mãɨya bɨde judiorãpa Jesú jũranak'ari idisidama: —Waa ¿sãapae pɨa taiyá pɨ k'orea k'ɨ̃risia k'awapiwẽa uru baima? Pɨ Tachi Ak'õrepa Tachi K'aripaparí teai jaradapɨra, taiyá jĩp'a jarase.

Juan 8:25

Mãɨpuru ãchia idisidama: —¿Pɨ k'aima? Jesupa p'anoosima: —Mɨ chesiedapema, mãɨ mãrá jara bɨma.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Juan 1:34

Mɨa mãɨ unusima. Mãɨ k'orea mɨa jara bɨma ichi piarã Tachi Ak'õre Warrapɨ».

Marco 14:61

Jesú k'ĩup'ea beek'ari, mi ãpia pida p'anooé pasima. Mãɨya bɨde chi p'aare minachia k'awa bɨpa mãicha Jesua idisima: —¿Pɨ Tachi Ak'õrepa Tachi K'aripaparí teai jaradak'ãra? ¿Pɨ Tachi Ak'õre Pia Bɨ Warrak'ãra?

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Mateo 27:43

Ichia k'ɨ̃risia bɨma Tachi Ak'õre ichi ome bɨt'a. ¿Ichi Tachi Ak'õre Warraade aé pasik'ãra? Mãɨya bɨpɨra Tachi Ak'õrepa ichi piarã k'ɨ̃ria bɨpɨra, ara nãɨena k'aripai pia bɨma.

Mateo 27:40

—Pɨa Tachi Ak'õre te minachia bɨ ãrik'ari ewari ũpeaɨde mãicha p'ue ooipɨra, ¡piarã ara pɨchi tuaba k'aripase! Pɨ Tachi Ak'õre Warrapɨra, jãɨ k'urusudepa edá chese.

Mateo 27:14

Maamina Jesupa pedea aba pida p'anooé pasima. Mãɨpuru Pilatopa k'awa k'ɨ̃risiawẽa beesima.

1 Pedro 2:23

Ẽpẽrarãpa ichiá k'achia pedeasidaɨde ãchiá k'achia pedeaé pasima. Ichi piawẽa oosidaɨde ichia jõnea piawẽa ooyade a jaraé pasima. Mãɨpari Tachi Ak'õrepa jĩp'a nepɨra ak'ɨpari pẽra ichi piawẽa oo p'anɨt'a Tachi Ak'õre juade bɨpachima.

Mateo 4:3

Mãɨya bɨde mĩesa jaraparí chesima. Ichia jarasima: —Pɨ piarã Tachi Ak'õre Warrapɨra, jarase nãɨrã mawará p'ana pamẽrá.

Mateo 26:62

Mãɨne chi p'aare minachia k'awa bɨ bai nɨbeek'ari Jesua idisima: —Chi pɨa nemietá oodaade a p'anɨt'a ¿mãɨ piarãk'ãra? ¿Pɨa mi ãpia pida p'anooiwẽk'ãra?

2 Corintio 1:19

Silvanopa, Timoteopa, mɨa pida mãrá Tachi Ak'õre Warra Jesucristo k'orea jaratea p'anasidama. Jesucristopa ooyade ada mãicha oowẽane ak'ama. Ichia ooyade ada jõma ooparima.