Mateo 26:58 - Tachi Ak'õre Pedea

⁵⁸ Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome suak'abari beesima, Jesú ome sãmaasã́ oodai k'awai k'orea.

Mateo 26:58 Referans Kwoze

Juan 7:32

P'ariseorãpa k'awasidama ẽpẽerãpa Jesú k'orea wawaria pedea p'anɨt'a. Mãɨ k'orea ãchia mãɨnepa chi p'aarerã minachia k'awapataɨrã pida Tachi Ak'õre te ot'eapataɨrã peesidama Jesú jitade wãnamẽrá.

Juan 18:25

Mãɨmisa Pedro wapida bai nɨbasima, t'ɨpɨ k'ãi k'orea. Mãɨne ẽpẽerãpa ichiá idisidama: —¿Pɨ sida jãɨ ẽpẽra ome p'ɨrrɨapariiwẽk'ãra? Pedropa mẽra jarasima: —Mɨwẽma.

Juan 7:45

Chi Tachi Ak'õre te ot'eapataɨrã jĩitea chedak'ari, p'ariseorã mãɨnepa p'aarerã chi mãɨrã chaarearãpa ãchiá idisidama: —¿K'ãre k'orea ichi enemeenaé pasima?

Mateo 5:25

»Pɨa ooda k'orea pɨ chi nek'ĩramaapa pɨ chi nepɨra ak'ɨparimá ateewãipɨra, ode wãutade ichi ome ãarea pedease, ichi ome sõpia beei k'orea. Mãɨya oowẽpɨra, ichia pɨ chi ak'ɨparí juade bɨipɨ. Maapae chi ak'ɨparipa pɨ chi jɨ̃a nɨbɨpataɨ te ot'eaparia jitapiipɨ eda jɨ̃a nɨbɨmẽrá.

Mateo 26:3

Mãɨmisa judiorã chaarearã, Moisepa bɨda jarateapataɨrã mãɨnepa p'aarerã chi mãɨrã chaarearã Caip'á te chomane ãarea ará jere nɨbeesima. Mãɨ Caip'á p'aare minachia k'awa bɨ basima.

Luca 22:54

Jesú jitadak'ari p'aare minachia k'awa bɨ tedea ateewãsidama. Pedro t'ɨmɨɨpa k'aade nipasima.

Juan 19:6

Maamina Jesú unuutade p'aarerã chi mãɨrã chaarearãpa mãɨnepa Tachi Ak'õre te ot'eapataɨrãpa jĩk'ua jarasidama: —¡Ichi k'urusude barijira bɨk'ari peapise! ¡K'urusude barijira bɨk'ari peapise! Mãɨne Pilatopa jarasima: —¡Mãrapuru ateedak'ari k'urusude barijira bɨk'ari peapit'ɨ! Mɨmá ichi nemietá newẽa bɨma.

Hecho 5:22

Maamina ẽpẽerã jɨ̃a nɨbɨpataɨ te ot'eapataɨrã chesidaɨde ãchi ununaé pasima. Mãɨpuru jĩitea wãsidaɨde, nãɨya jarasidama:

Hecho 5:26

Mãɨ ũrisidaɨde chi Tachi Ak'õre te minachia bɨdepema ot'eapataɨrã chi atepe bɨ mãɨnepa chi waapẽarã ot'eapataɨrã paara ãchi jitade wãnak'ari, wap'eapa ãchi k'ĩruupidawẽa enemeesidama, p'uurudepemarãpa ãchi mawarapa bat'adayade a k'ɨ̃risiasidada pẽra.