Mateo 26:46 - Tachi Ak'õre Pedea

⁴⁶ P'irabarit'ɨ. Wãtɨma. Ak'ɨt'ɨ, chi mɨ jitapii bɨ ẽpẽra ara k'ait'a cheruma.

Mateo 26:46 Referans Kwoze

Hecho 21:13

Maamina Pablopa jarasima: —¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.

Juan 14:31

Mãɨya mɨ Ak'õrepa oopi bɨt'a mɨa ooipɨ. Mãɨnepa nãɨ ĩjũanepemarãpa k'awadaipɨ mɨa mɨ Ak'õre minachia k'ɨ̃ria bɨt'a. »P'irabarit'ɨ. Wãtɨma.

Luca 12:50

Maamina mãɨ naena mɨ minachia mĩa bɨma. Mãɨpuru ãarea sõp'ua baparima mãɨ ewari parudea.

Luca 9:51

Jesú ɨt'aria wãi ewari k'ait'a paside mãɨne Jerusalenea wãyane a k'ɨ̃risiasima.

Luca 22:15

Mãɨne ãchiá jarasima: —Mɨ minachia mĩai naena mɨa piarã nãɨ k'opataɨ mãra ome ará k'o k'ɨ̃ria basima.

Mateo 26:45

Maapae ichi ome p'ɨrrɨapataɨrãmá jĩitea chek'ari jarasima: —Mãra ¿wapida k'ãi p'anɨk'ãra? Mɨ ewari arí pasima. Abaɨpa mɨ, chi Ẽpẽra Warra ẽpẽerã k'achia p'anɨ juade teaipɨ.

Mateo 26:47

Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽrarã chok'ará k'ĩruupataɨ nek'o paara, pak'uru paara ichi ome chesidama. Ãchi p'aarerã chi mãɨrã chaarearãpa mãɨnepa judiorã chaarearãpa peedaadarã pasima.

Marco 14:42

P'irabarit'ɨ. Wãtɨma. Ak'ɨt'ɨ, Chi mɨ jitapii bɨ ẽpẽra ara k'ait'a cheruma.

Luca 22:21

Maamina chi mɨ jitapii bɨt'a nãma mɨ ome nek'omaa bɨma.

Juan 21:20

Pedropa jĩitea ak'ɨk'ari Jesú ome p'ɨrrɨaparí, chi Jesupa minachia k'ɨ̃ria uru baparí k'aadea cheru unusima. Mãɨ Jesú k'ait'a suak'abari basima Egitodepa wãnana k'ɨ̃risiapataɨ chik'o k'osidaɨde. Ichia idi basima: «Tai Chipari, ¿k'aipa pɨ jitapiima?»