Mateo 26:35 - Tachi Ak'õre Pedea

³⁵ Maamina Pedropa jarasima: —Mɨ pɨ ome peautamina, pɨ tuaba ameeiwẽma. Chi waapẽarãpa ara abarik'a jarasidama.

Mateo 26:35 Referans Kwoze

Romano 11:20

Piarã mãɨya bɨma. Maamina Tachi Ak'õrepa ãchi itu bɨsima Cristode ĩjãanaé pasi pẽra. Maapae mãra jɨrɨ atasima Cristode ĩjãanana pẽra. Mãɨ k'orea mãra judiorã k'aepẽra pia be k'ɨ̃risiarãt'ɨ, mãɨpari Tachi Ak'õre wap'ea p'anat'ɨ.

Juan 13:37

Pedropa idisima: —Tai Chipari, ¿k'ãre k'orea mɨ pɨ ome p'ue wãiwẽma? Mɨ pɨ k'orea piui bɨma.

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

1 Corintio 10:12

Mãɨpuru abaɨpa minachia ĩjãa bɨ jĩra k'ɨ̃risia bɨpɨra, ara ichi tuaba jĩrak'aua bai bɨma nemietaade baemaapa.

Mateo 10:33

Ara mãɨ jĩra abaɨ pida ẽpẽrarã k'ĩrari mɨ atua bɨade aipɨra, mɨa pida mɨ Ak'õre pajãne bɨ k'ĩrari ichi atua bɨade aipɨ.