Mateo 26:28 - Tachi Ak'õre Pedea

²⁸ Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerãpa nemietá oodada k'ɨ̃risia atuai k'orea.

Mateo 26:28 Referans Kwoze

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

1 Corintio 11:25

Ara mãɨ jĩra nek'odak'ari chi pasu juade jitak'ari jarasima: «Nãɨ pasude eda bɨt'a mɨ oapɨ. Mɨ oadepa Tachi Ak'õrepa mãra ome pedea chiwidi bɨruma. Nãɨ toutacha mɨ k'ɨ̃risiadai k'orea to p'anapariet'ɨ».

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

Hebreo 13:20

Tachi Chipari Jesucristo chi Oveja Ak'ɨparí chi Minachia Bɨpɨ. Tachi Ak'õrepa chi tachi ne k'ɨ̃risiawẽa p'anapiparí ichi piu badadepa chok'ae p'irabaripisima. Jesucristo oadepa Tachi Ak'õre ẽpẽrarã ome pedea ausidama. Mãɨ ewaricha baipɨ.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Colosense 1:14

Ichi Warradepa Tachi Ak'õrepa tachi nemietaadepema k'aripasima. Tachia nemietá oodada ãarea k'ɨ̃risia atuasima.

Luca 22:19

Maapae p'ana jitak'ari Tachi Ak'õrea sõpia bɨade a jarasima. T'oet'aak'ari ãchiá tearude nãɨya jarasima: —Nãɨ mɨ k'ak'uapɨ, mãra k'orea teadapɨ. K'ot'ɨ. Mɨ k'ɨ̃risiadai k'orea ara nãɨ jĩra oo p'anat'ɨ.

Colosense 1:20

Mãɨnepa k'ɨ̃riasima Cristodepa ne ãarea pajãnepema mãɨnepa nãɨ ĩjũanepema ichi ome pia p'ananamẽrá. Mãɨpuru Cristo k'urusude oa ãrinaneepuru ichi ome nek'ĩramariwẽa p'aneesidama.

Romano 5:19

Piarã ẽpẽra aba bɨpa Tachi Ak'õrepa jarada oodawẽ pẽra chok'ará ẽpẽrarã nemietá oopataɨrã p'aneesidama. Mãɨnepa ẽpẽra abaɨpa Ichia jarada jõma ũrisi pẽra chok'ará ẽpẽrarã Tachi Ak'õrepa jĩp'a p'anɨane aipɨ.

Marco 14:24

Mãɨne Jesupa jarasima: —Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerã pae.

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.

Romano 5:15

Piarã ẽpẽra aba bɨpa nemietá ooda k'orea jõmãɨrã piusidama. Maamina ẽpẽra aba bɨdepa Tachi Ak'õrepa ichi sõpiadepa pari chok'ae bapisima mãɨ ãarea chok'ae p'ananamẽrá. Jesucristopa ichi sõpiadepa tachi pae ooda, chi Adanpa nemietá oo bada k'aepẽra atepe piipará bɨma. Mãɨpuru chi Tachi Ak'õrepa pari tea bɨt'a Adanpa nemietá oodadepa cheda jĩra bɨwẽma.

Marco 1:4

Mãɨya Juan chi Porochoaparí ĩjũa pania newẽa bɨde ẽpẽerã́ jaratea beesima ãchia nemietá oopataɨ itu bɨdak'ari Tachi Ak'õremá chedamẽrá. Ichia jarasima mãɨya oosidara Tachi Ak'õrepa ãchi nemietá oodada k'ɨ̃risia atuait'a. Maapae porochoadai p'anɨane apachima.

Mateo 6:12

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Mateo 26:27

Maapae pasu jitak'ari Tachi Ak'õrea sõpia bɨade asima. Maapae ãchiá tearude jarasima: —Jõmãɨrãpa tot'ɨ.

Mateo 26:29

Mɨa jararuma: mɨa uvaba waa toiwẽma aba mɨ Ak'õrepa jõma ichidirã ichi juade ua beerudea. Mãɨyapuru mɨa mãra ome uvaba mãicha toipɨ.

Luca 22:20

Ara mãɨ jĩra nek'ok'ari pasu jitak'ari jarasima: —Nãɨ pasude eda bɨt'a mɨ oa mãra k'orea ãriipɨ. Mɨ oadepa Tachi Ak'õrepa mãra ome pedea chiwidi bɨruma.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?