Mateo 26:27 - Tachi Ak'õre Pedea

²⁷ Maapae pasu jitak'ari Tachi Ak'õrea sõpia bɨade asima. Maapae ãchiá tearude jarasima: —Jõmãɨrãpa tot'ɨ.

Mateo 26:27 Referans Kwoze

1 Corintio 10:16

Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.

1 Corintio 11:28

Mãɨ p'ana k'oi naena, mãɨ pasude eda bɨ toi naena tachicha minachia ak'ɨi bɨma piarã Tachi Chipari wap'ea bɨ k'awai k'orea.

Luca 22:20

Ara mãɨ jĩra nek'ok'ari pasu jitak'ari jarasima: —Nãɨ pasude eda bɨt'a mɨ oa mãra k'orea ãriipɨ. Mɨ oadepa Tachi Ak'õrepa mãra ome pedea chiwidi bɨruma.

Mateo 15:36

Mãɨ p'ana siete bada mãɨnepa beta ichi juade atak'ari Tachi Ak'õrea sõpia bɨade asima. Mãɨyak'ari beta mãɨnepa p'ana t'oet'aak'ari ichi ome p'ɨrrɨapataɨrã́ teasima jedadamẽrá. Maapae jedasidama.

Mateo 26:26

Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ichi ome p'ɨrrɨapataɨrã́ tearude jarasima: —Jitat'ɨ. K'ot'ɨ. Nãɨ mɨ k'ak'uapɨ.

Mateo 26:28

Nãɨ mɨ oapɨ. Mɨ oa ãrirunepa Tachi Ak'õrepa pedea chiwidi bɨ bɨma chok'ará ẽpẽerãpa nemietá oodada k'ɨ̃risia atuai k'orea.