Mateo 26:18 - Tachi Ak'õre Pedea

¹⁸ Jesupa p'anoosima: —Jerusalenea tachia k'awa p'anɨ ẽpẽramá wãt'ɨ. Ichiá nãɨya jarat'ɨ: “Tachi Jarateaparipa jara bɨma ichi ewari k'ait'a bɨ. Ichia mãɨnepa chi ichi ome p'ɨrrɨapataɨrã pida arapá nek'opataɨ k'odaipɨ pɨ tiida, Egitodepa wãnana k'ɨ̃risiadai k'orea”.

Mateo 26:18 Referans Kwoze

Juan 7:6

Mãɨne Jesupa ãchiá jarasima: —Mɨ wãi ewari waidi pawẽma, maamina mãrapa k'ɨ̃riautade p'ue wãnai p'anɨma.

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 7:30

Mãɨ k'orea ãchia Jesú jita k'ɨ̃ria p'anasidama, maamina mi ãpia pida jitadaé pasima ichi ewari ará pawẽa bada pẽra.

Juan 7:8

Wãt'ɨ mãɨ arapaapataɨ ewari oo p'anɨmá. Mɨ waidi wãiwẽma mɨ wãi ewari waidi ará pawẽ pẽra.

Juan 12:23

Mãɨne Jesupa jarasima: —Ewari ará pasima. Tachi Ak'õrepa mɨ, chi Ẽpẽra Warra chi Choma bɨipɨ.

Luca 22:53

Ewaricha mɨ Tachi Ak'õre te eda mãra t'ãena badamina jitadak'a pasima. Maamina piarã nãɨena Tachi Ak'õrepa tiorea itu p'uepi bɨma. Mãɨya mãrapa oo k'ɨ̃ria p'anɨt'a oo p'anɨma.

Juan 11:28

Mãɨya jarak'ari Marta wãsima ichi ũpẽawẽramá. Maapae k'ɨɨrɨk'á jarasima: —Chi Jarateaparí nãma bɨma. Ichia pɨ t'ɨ̃ peesima.

Marco 5:35

Jesú wapida pedeamaa bɨde Jairo tedepa waapẽarã chedak'ari ichiá jarasidama: —Pɨ k'au k'ĩrawẽasima. ¿K'ãre k'orea chi Jarateaparia waa jara bɨma?

Mateo 26:2

—Mãrapa k'awa p'anɨma ewari ume parude, Egitodepa wãnana k'ɨ̃risiapataɨ ewari oodaipɨ. Mãɨne abaɨpa mɨ, chi Ẽpẽra Warra jitapiipɨ k'urusude barijira bɨk'ari, peadamẽrá.

Mateo 23:10

Mãɨnepa k'ɨ̃riarãt'ɨ ẽpẽrarãpa mãrá “tai chipari” adait'a, mãra Chipari abapuru bɨẽra. Ichi Tachi Ak'õrepa Tachi K'aripaparí teai padapɨ.

Mateo 23:8

»Maamina mãra abarik'a p'anɨẽra ũpẽarã jĩra, mãɨnepa Jarateaparí aba uru p'anɨ pẽra k'ɨ̃riarãt'ɨ ẽpẽrarãpa mãrá “Jarateaparí” adait'a.

Mateo 21:3

Abaɨpa mãrá k'ãre k'orea mãɨya oo p'anɨane a idiipɨra, nãɨya jarat'ɨ: “Tachi Chiparipa k'ɨ̃ria bɨma. Maamina naane nãɨ mũra tea peeipɨ”».

Juan 20:16

Mãɨne Jesupa jarasima: —¡María! Mariapa ãpɨtea ak'ɨk'ari —¡Raboni! asima. (Mãɨ hebreo pedeade jara k'ɨ̃ria bɨma “Jarateaparí”).

Mateo 26:49

Mãɨne Juda Jesú k'ait'a wãk'ari jarasima: —¡Jarateaparí! Mãɨya jarak'ari Jesú uitarra sõsima.

Mateo 26:19

Ara mãɨne Jesupa jarada jĩra ichi ome p'ɨrrɨapataɨrãpa Egitodepa wãnana k'ɨ̃risiapataɨ ewari nek'opataɨ oosidama.