Mateo 25:46 - Tachi Ak'õre Pedea

⁴⁶ Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 25:46 Referans Kwoze

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Juan 5:29

mãɨne ãareaɨrã chok'ae p'irabaridaipɨ. Chi nepia oo p'anana chok'ae p'irabaridaipɨ mɨ ome ewaricha chok'ae beadai k'orea, maamina chi nemietá oopataɨrã chok'ae p'irabaridaipɨ mɨa mãɨrã ɨtɨamẽrá.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

2 Tesalonicense 1:9

Ãchi t'ɨpɨ tau uruade ewaricha minachia mĩapiipɨ. Tachi Chipari k'ĩraripema mãɨnepa ichi minachia jua chaareadepema t'ɨmɨa p'ananaipɨ.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

Romano 5:21

Piarã ẽpẽrarãpa nemietá oopata pẽra piupatama. Maamina Tachi Ak'õrepa ichi sõpiadepa ẽpẽrarã chi ichidirã jĩp'a berã paara bɨparima Tachi Chipari Jesucristodepa ewaricha ichi ome chok'ae p'ananamẽrá.

Apocalipsi 20:10

Mãɨya nak'ari Tachi Ak'õrepa tiore chi ẽpẽerã sea uru bada azup're t'ɨpɨ urua nɨbɨdea jirat'aaipɨ. Naena Tachi Ak'õrepa chi ãnimara mietá bɨ mãɨnepa chi piarã Tachi Ak'õre pari pedeapariwẽ mãɨ t'ɨpɨ uruade jirat'aa basima. Mãma tiore ãchi paara ewaricha ãst'á mãɨnepa teamasi minachia mĩa p'ananaipɨ.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Hecho 24:15

Chi nãɨrã judiorãpa nɨ p'anɨma chi jĩp'a be mãɨnepa chi jĩp'awẽa be piudak'ari Tachi Ak'õrepa chok'ae p'irabaripiit'a. Mɨa pida mãɨ nɨ bɨma.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

Gálata 6:8

Mãɨ k'orea nãɨ k'ak'uapa nemietá oo k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ɨtɨaipɨ. Maamina Tachi Ak'õre Jaorepa k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ewaricha ichi ome chok'ae bɨipɨ.

Luca 16:26

Mãɨ awara edá uria minachia bɨ tachi esa bɨma. Mãɨpuru mãramá wã k'ɨ̃ria berã p'ue wãnaiwẽma. Ichiaba jãmãɨpa abaɨ pida p'ue taimá chedaiwẽma”.

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Mateo 13:43

Maamina chi jĩp'a berã ãchi Ak'õre juade ɨmata jĩra achiterrea p'ananaipɨ. Chi k'ɨɨrɨ pará bɨpa jĩrak'aua ũrise.

Juda 1:21

Tachi Ak'õrepa tachi k'ɨ̃ria bɨdepa nipat'ɨ. Tachi Chipari Jesucristopa k'ĩra chupuria bɨdepa ewaricha chok'ae bapiit'a nɨ p'anat'ɨ.

Mateo 19:16

Ewariaba k'ũtã́ Jesumá chesima. Mãɨ k'ũtãpa idisima: —Jarateaparí, Tachi Ak'õre ome ewaricha chok'ae bai k'orea ¿mɨa k'ãret'a nepia ooi bɨma?

Mateo 25:45

»Mãɨne mɨa p'anooipɨ: “Mɨa piarã jararuma: mãrapa chi k'aepe k'ede k'aripadaé paside mɨ sida k'aripadaé pasima”.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 13:48

Judiorãwẽpa mãɨ ũrisidaɨde arapaasidama. Ara mãɨne Tachi Chipari k'orea pedea pia pedeasidama. Chi Tachi Ak'õrepa ewaricha ichi ome chok'ae beadai k'orea bɨdarãpa ichide ĩjãasidama.