Mateo 25:41 - Tachi Ak'õre Pedea

⁴¹ »Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 25:41 Referans Kwoze

2 Pedro 2:4

Chi Tachi Ak'õrepa ɨt'aripa peedaɨrãpa nemietá oosidaɨde Ichia k'ĩra chupuriaé pasima. Mãɨpari mietade uria p'ãrio bɨde jirak'oasima. Mãma k'ãnenapa jɨ̃ p'anɨma aba Tachi Ak'õrepa ãchi nepɨra ak'ɨi ewaridea.

2 Tesalonicense 1:9

Ãchi t'ɨpɨ tau uruade ewaricha minachia mĩapiipɨ. Tachi Chipari k'ĩraripema mãɨnepa ichi minachia jua chaareadepema t'ɨmɨa p'ananaipɨ.

Mateo 13:42

Mãɨrã t'ɨpɨ uruade bat'ak'oadaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Mateo 13:40

Ne uu mietá ẽut'aak'oadak'ari paapataɨ jĩra nãɨ ewaride ne mãɨyaipɨ.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Mateo 7:23

Mãɨne mɨa piarã jararuma: “Mietá oopataɨrã, ãyá wãt'ɨ. Mɨa mãra unuk'ama”.

Mateo 3:12

Ɨt'aa jira bat'aparí ichi juade uru bɨma chi trigo tau jora ãyá amaai k'orea. Maapae chi tau ẽechoada yaaipɨ maamina chi jora t'ɨpɨ uruade paaipɨ. Mãɨ k'iik'ama».

Hebreo 6:8

Maamina k'oe chek'ari ɨɨrɨ mãɨnepa sirua k'achia t'õnoipɨra, mãɨ ĩjũa piawẽa bɨma. Tachi Ak'õrepa mãɨ ĩjũa k'achia pedeak'ari maapae ãarea paaipɨ.

Mateo 13:50

Maapae t'ɨpɨ uruade bat'ak'oadaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

1 Juan 3:10

Nãɨnepa tachia k'awa p'anɨma k'airã Tachi Ak'õre warrarã mãɨnepa k'airã tiore warrarã. Chi jĩp'a oowẽa bɨ Tachi Ak'õre warrawẽma. Mãɨnepa chi ichi ũpẽa k'ɨ̃riawẽa bɨ Tachi Ak'õre warrawẽma.

Luca 16:24

Mãɨ k'orea jĩk'ua jarasima: “Ak'õre Abrahán, mɨ k'ĩra chupuriase. Lázaro peese. Ichi jua jimini paniapa bek'eak'ari mɨ k'ĩrame bek'eade chepise. Nãɨ t'ɨpɨ uruade mɨ minachia mĩa bɨma”.

Luca 13:27

Mãɨne ichia mãrá jaraipɨ: “Mɨa mãra unuk'ama mãɨnepa sãmapema atua bɨma. K'achia oopataɨrã, ãyá wãt'ɨ”.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 18:8

»Mãɨ k'orea pɨ juapa wa pɨ jĩrupa pɨá nemietá oopiipɨra, mãɨ bɨat'uk'ari ãyá amaase, nemietá oopiemaapa. Piipará bɨma ewaricha bait'a Tachi Ak'õre ome, jua mosá wa bɨɨrɨ mosá, jua ume mãɨnepa jĩru ume uru bɨ ome, mãɨ t'ɨpɨ urua k'iik'amá eda bat'a peei k'aepẽra.

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Mateo 25:42

Mɨ jarra baside mãrapa nek'opidaé pasima; mɨ opisia baside pania teadaé pasima.

2 Tesalonicense 1:7

Maamina mãra, chi mĩa berã ɨ̃apaapiipɨ tai ɨ̃apaapii bɨ jĩra. Mãɨyaipɨ Tachi Chipari Jesú ichi ɨt'aripa peedaɨrã jua chaarea berã ome t'ɨpɨ tau urua nɨbɨde pajãnepa cherude. Mãɨne jõma Tachi Ak'õrene ĩjãanak'apɨɨrã mãɨnepa chi pedea pia Tachi Chipari Jesú k'orea ĩjãanak'apɨɨrã ɨtɨaipɨ.