Mateo 25:40 - Tachi Ak'õre Pedea

⁴⁰ Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Mateo 25:40 Referans Kwoze

Mateo 10:42

Mɨa jararuma: abaɨ pida chi mɨ ome p'ɨrrɨapataɨrã chi k'ɨ̃risia ãpia k'ɨrɨa pania k'õresã́ teaipɨra, Tachi Ak'õrepa piarã mãɨ ẽpẽrá nepia teaipɨ».

Marco 9:41

Mɨa piarã jararuma: mãra mõré pẽra abaɨpa mãrá pania teaipɨra, Tachi Ak'õrepa piarã mãɨ ẽpẽrá nepia teaipɨ.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Mateo 10:40

»Chi mãrá pia chesidade a bɨpa, mɨá pia chesiade a bɨma. Chi mɨá pia chesiade a bɨpa chi mɨ Peedá pia pedea bɨma.

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

1 Juan 4:20

Abaɨpa Tachi Ak'õre k'ɨ̃ria bɨade a bɨpɨra, mãɨne ichi ũpẽa unuemaa bɨpɨra, ichia sea jara bɨma. Ichi ũpẽa unu bɨt'a k'ɨ̃riawẽa bɨpɨra, ¿sãmaasã́ Tachi Ak'õre unuwẽa bɨt'a k'ɨ̃ria baima?

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

Ep'esio 5:30

ichi k'ak'ua jĩra p'anɨ pẽra.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Romano 8:29

Mãɨ mãɨya bɨma, ichia naenaena k'awa basi pẽra k'airã ichidirã pait'a. Ãchi bɨsima ichi Warra Jesú jĩra p'ananamẽrá. Mãɨya ichi Warra Jesú ũpẽarã chok'ará p'anɨnepema chi naapemapɨ.

Mateo 28:10

Mãɨya p'anɨne Jesupa jarasima: —Ne wap'earãt'ɨ. Ũpẽarã́ jarade wãt'ɨ Galilea tuadea wãnamẽrá. Jãma ãchia mɨ ununaipɨ.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Mateo 25:39

¿Sãapae pɨ k'ɨdade baside wa eda jɨ̃a nɨbɨpataɨ tede baside taipa ak'ɨde wãsidama?”

Mateo 25:45

»Mãɨne mɨa p'anooipɨ: “Mɨa piarã jararuma: mãrapa chi k'aepe k'ede k'aripadaé paside mɨ sida k'aripadaé pasima”.

Luca 19:38

Ãchia jara tuanasidama: «¡Minachia pia bɨma tachi Poro jũra jɨ̃parí jɨ̃ bɨt'a, chi Tachi Chipari t'ɨ̃nepa cheru! ¡Naapae Tachi Ak'õre ome nek'ĩramariwẽa tuananaipɨ! ¡Pajãne Bɨ chi Atepe bɨma!»

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 19:16

Ichi anamari jɨ̃ bɨde ichi mak'ara ɨ̃rɨ nãɨ t'ɨ̃ bɨ uru bɨma: «Jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ» ichiaba «Jõmãɨrã chiparirã k'aepẽra ichit'u chi Atepe Bɨpɨ».