Mateo 25:35 - Tachi Ak'õre Pedea

^35-36 Mɨ jarra baside mãrapa mɨá nek'opisidama; mɨ opisia baside pania teasidama; mɨ chĩara ĩjũanepema jĩra nipaside mãra tedea ateewãsidama; mɨa neet'á newẽa baside mɨá teasidama; mɨ k'ɨdade baside ak'ɨde chesidama; mãɨnepa mɨ eda jɨ̃a nɨbɨpataɨ tede baside ak'ɨde chesidama”.

Mateo 25:35 Referans Kwoze

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.

Romano 12:13

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

Romano 12:20

Mãɨnepa Tachi Ak'õre pedeade nãɨya bɨ bɨma: «Pɨ nek'ĩramá jarrapisia bɨde nek'opise. Opisia bɨde pania topise. Mãɨya ooipɨra, ichi minachia k'ĩra p'erapiipɨ».

Hebreo 6:10

Tachi Ak'õre jĩp'a bapari pẽra mãrapa pia oo p'anɨt'a mãɨnepa ichi k'ɨ̃ria p'anɨt'a k'ɨ̃risia atuaiwẽma. Ichi ẽpẽrarã k'aripa p'anɨnepa mãrapa unupisidama chi ichi k'ɨ̃ria p'anɨt'a. Wapida k'aripa p'anɨma.

P'ilemón 1:7

Ũpẽa, pɨa ẽpẽrarã Tachi Ak'õrenepemarã k'ɨ̃rianepa sõpiapida pẽra mɨ sida arapaapisima mãɨnepa minachia sõpia nipapisima.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

Romano 16:23

Ũpẽa Gayo pida k'ɨ̃ria bɨma mãra pia tuananait'a. Mɨ ichi tiida bɨma. Ũpẽarã jõmãɨrã ichi tiida ará nɨp'anaparima. Nãɨ p'uurudepema erreara ak'ɨparí Erastopa mãɨnepa ũpẽa Cuartopa k'ɨ̃ria p'anɨma mãra pia tuananait'a.

Hecho 16:15

Lidia mãɨnepa ãarea chi ichi tedepemarã porochoasidaɨde taiyá chichupuria idisima ichi tede p'aneenamẽrá. Nãɨya jarasima: —Mãramá mɨa piarã Tachi Chiparide ĩjãasira mɨ tede p'aneene chet'ɨ. Mãɨya tai ichi tede p'aneepisima.

Hecho 11:29

Mãɨpuru chi Jesude ĩjãapataɨrã Antioquiade p'anɨpa pedea ausidama erreara ũpẽarã Judea tuade berã pae tea peedai k'orea. Ãchicha p'ue teauta jĩra teadayade asidama.

Hecho 10:31

Mãɨ ẽpẽrapa mɨá jarasima: “Cornelio, pɨa ɨt'aa chiidi bada Tachi Ak'õrepa pia ũrisima. Ichia k'ɨ̃risia atuawẽa bɨma pɨa nenea k'ede k'aripaparit'a.

Hecho 4:32

Mãɨ ewaride chi Jesude ĩjãapataɨrã k'ɨ̃risia abarik'a mãɨnepa sõ abarik'a p'anapachidama. Abaɨ pida ara ichi neet'á ichidí jĩra k'ɨ̃risiak'a pasima, mãɨpari abaɨ ome ne jedapachima.

Juan 13:29

Judapa ãchi erreara enemeepachi pẽra, waapẽarãpa k'ɨ̃risiasidama Jesupa ne atapade a bɨek'ãra a k'ɨ̃risiasidama arapaapataɨ ewari oodai pae, mãɨyawẽpɨra chupuria k'edea ne teade wãmẽrá.

Luca 11:41

Sõpiadepa nenea k'ederã́ mãrapa uru p'anɨnepema teat'ɨ. Mãɨya piarã mãra pia p'aneenaipɨ, tachi k'ak'ua pia sɨɨda jĩra.

Marco 14:7

Chichupuria k'ede ewaricha mãra t'ãena p'ananaipɨ; mãrapa k'ɨ̃ria p'anɨpɨra p'ue ãchi k'aripadai p'anɨma. Maamina mɨ mãra ome ewaricha baiwẽma.

Mateo 26:11

Chichupuria k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.