Mateo 24:45 - Tachi Ak'õre Pedea

⁴⁵ »Te chipari pae pari mimiaparí k'ɨ̃risia k'awa bɨpa jĩp'a oopari jĩra beat'ɨ. Ichi chiparipa waapẽarã ichi pae pari mimiapataɨrã ichi juade bɨsima ewari ará parude nek'opi bamẽrá.

Mateo 24:45 Referans Kwoze

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Mateo 25:23

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa pia ooda pẽra mɨa ne minachia pɨ juade bɨipɨ. Eda chese mɨ ome sõ arapaade”.

Hebreo 3:5

Moisé Tachi Ak'õre pae pari mimiaparí pẽra chi Tachi Ak'õre tedepemarã ome ãarea arí oosima. Ichia k'awapisima Tachi Ak'õrepa k'aadeapema ewaride k'ãre jarait'a.

2 Timoteo 2:2

Mɨa ẽpẽrarã chok'ará k'ĩrari jaratea badat'a pɨa ũrisima. Ara mãɨ jaratea bada pɨa pida waapẽarã ũpẽarã juade bɨese. Waapẽarãpa ãchidepuru ĩjãanai p'anɨma mãɨnepa p'ue pia jarateadai p'anɨma waapẽarã́ jarateadamẽrá.

1 Timoteo 1:12

Tachi Chipari Jesucristopa mɨ jua chaarea bɨpisima ichi pedea jaratea bamẽrá. Ichia k'awasima mɨa nejõma jĩp'a ooit'a ichi pae. Mãɨpuru mɨ bɨsima ichia k'ɨ̃ria bɨt'a oo bamẽrá. Mãɨ k'orea mɨ sõpia bɨade aruma ichiá.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Luca 19:17

Mãɨ k'orea chi minachia k'awa bɨpa jarasima: “Mɨ pae pari mimiaparí, piapɨ. Mɨa ãpia teadadepa pɨa arí ooda pẽra mɨa pɨ juade p'uuru k'ak'o diez bɨipɨ”.

Mateo 13:52

Mãɨne Jesupa jarasima: —Pajãne Bɨpa ichidirã ichi juade ua bɨ k'orea Moisepa bɨda jarateaparipa k'awasira te chipari jĩra bɨma. Ichia yaa uru bɨdepema nepia chiwidi mãɨnepa chi chõarãenapema ak'ɨpiparima.

Mateo 10:16

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Mateo 25:2

Mãɨ ãwẽra joesoma p'anɨ k'ɨ̃risia minachia p'anasidama. Mãɨnepa waapẽarã joesoma p'anɨ k'ɨ̃risia nea p'anasidama.

Mateo 7:24

»Mãɨ k'orea abaɨpa mɨ pedea ũrik'ari, ooipɨra, nãɨ jĩra baipɨ: ẽpẽra k'ɨ̃risia k'awa bɨpa ichi te mawara ɨ̃rɨ oosima.

Mateo 24:46

Chi te chipari pae pari mimiaparipa mãɨya oo bɨt'a ichi chiparipa unune cheipɨra, ichi sõpia baipɨ.