Mateo 24:42 - Tachi Ak'õre Pedea

⁴² »Mãɨpuru tau pará p'anat'ɨ atua p'anɨẽra sãapae chei machi Chipari.

Mateo 24:42 Referans Kwoze

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

1 Tesalonicense 5:6

Mãɨpuru tachi k'ãi p'anɨwẽma waapẽarã k'ãi p'anapari jĩra, mãɨpari tau p'it'á p'ananai p'anɨma mãɨnepa k'ĩra jĩp'a p'ananai p'anɨma.

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.

Apocalipsi 16:15

Ãchia chi hebreo pedeade Armagedón apataɨ ĩjũanea chi poro jũra jɨ̃parí jɨ̃ p'anɨrã ateewãsidama. «¡Tau pará p'anat'ɨ! Mɨ nechɨaparí jĩra cheipɨ, chi mãɨ abaɨ pida nɨ p'anɨwẽne. Pia p'ananaipɨ chi mãɨ mɨ nɨ p'anɨrãpa mãɨnepa chi ãchi neet'á oo uru p'anɨrãpa. Mãɨya p'ue ãk'adá wãnaiwẽma mãɨnepa k'ĩra p'eradaiwẽma».

1 Corintio 16:13

Jĩrak'aua p'anat'ɨ. Jesucristode minachia ĩjãa p'anat'ɨ. Ichidepa p'erawẽa p'anat'ɨ mãɨnepa chaarea p'anat'ɨ.

Mateo 24:36

»Maamina abaɨ pida mãɨ ewari sãapae mãɨyait'a k'awadawẽma. Tachi Ak'õrepa ɨt'aripa peedaɨrã pida atua p'anɨma. Mɨ, chi Ẽpẽra Warra pida atua bɨma. Abapuru mɨ Ak'õrepuru mãɨ k'awa bɨma.

Romano 13:11

Jõma makɨɨ oo p'anat'ɨ, k'awa p'anɨ pẽra nãɨ ewari sãmaasã́ bɨt'a. Ɨ̃rɨmat'ɨ. Waa k'ãi p'anarãt'ɨ. Chi tachi nãɨ ĩjũa nemietaadepema k'aripai k'ait'a bɨma, tachia naa ĩjãanana k'aepẽra.

Mateo 24:44

Ara mãɨ jĩra mãra sida tau pará p'anat'ɨ. Mãrapa mɨ, chi Ẽpẽra Warra chei atua p'anɨne cheipɨ.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

Mateo 24:43

Nãɨ k'awat'ɨ: te chiparipa nechɨaparí sãapae chei k'awa bɨpara, k'ãiwẽa bai pasima tede eda wãpiemaapa.

Mateo 25:10

Ara mãɨne olivo ta atade wãsidama. Mãɨmisa chi ɨmɨk'ĩra miak'ãi bɨ chesima. Maapae chi k'ɨ̃risia k'awa p'anɨ ichi ome eda wãsidama sõ arapá miak'ãipataɨ tedea. Ara mãɨne chi te chipari pae pari mimiaparipa chi eda wãpataɨ jɨ̃at'ɨsima.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.