Mateo 24:37 - Tachi Ak'õre Pedea

³⁷ Chi Ẽpẽra Warra chei ewari mãɨ Noé ewaride bada jĩra baipɨ.

Mateo 24:37 Referans Kwoze

2 Pedro 3:6

Ara mãɨ paniapa jõma nãɨ ĩjũane naena p'anana ãarea piupisima to minachia chesidepa.

2 Pedro 2:5

Mãɨnepa chõarãenapemarãpa Tachi Ak'õre itu bɨsidaɨde ichia k'ĩra chupuriaé pasima. Mãɨpari to minachia chepisima mãɨ ẽpẽrarã ãarea todepa piudamẽrá. Maamina Noepa tachi jĩp'a nipadai k'orea jarateapachima. Ichi, ichi ẽpẽrarã siete p'anɨ sida Tachi Ak'õrepa k'aripasima.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

Mateo 24:39

Ãchia p'ãp'orro chei k'orea k'awadak'a pasima. Maamina piarã cheside ãchi ãarea todepa ãarea piusidama. Chi p'ãp'orro ara mãɨya cheda jĩra mɨ, chi Ẽpẽra Warra mãɨya cheipɨ.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 24:3

Jesú Olivo eyade suak'abari baside ichi ome p'ɨrrɨapataɨrã ichimá wãnak'ari ãchi tuaba nãɨya idisidama: —Taiyá jarase, Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima pɨ cheit'a? Mãɨnepa ¿k'ãrenepa k'awadaima mãɨ jõi ewari k'ait'a parude?

Mateo 24:27

Ẽpẽra Warra cheru jõmãɨrãpa pia ununaipɨ, pa p'up'ureaparí ɨmata ochiaparidepa ɨmata waa baewãparidea pia unupata jĩra.

Mateo 24:30

Mãɨne pajãne ne ununaipɨ. Mãɨ mɨ, chi Ẽpẽra Warra cherudepemapɨ. Mãɨ unuutade jõma nãɨ ĩjũane berã p'uuru jẽanaipɨ chi p'erapa. Mɨ jɨ̃arane jua chaareadepa cheru mãɨnepa k'ĩrawãrea achiterrea bɨ ununaipɨ.