Mateo 24:24 - Tachi Ak'õre Pedea

²⁴ Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 24:24 Referans Kwoze

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

Mateo 24:11

Tachi Ak'õre pari pedeapataɨ chi piarãwẽa berã chedaipɨ. Mãɨrãpa ẽpẽrarã chok'ará seadaipɨ.

Mateo 7:15

»Jĩrak'aua p'anat'ɨ sea Tachi Ak'õre pari pedeapataɨrãane apataɨrã paara. Ãchia piarã jĩra jarateapatama maamina mãɨya p'anɨma ẽpẽrarãpa Tachi Ak'õre pedea ĩjãapidaemaapa.

Mateo 24:5

Chok'araɨrãpa jaradaipɨ: “Mɨ Tachi Ak'õrepa Tachi K'aripaparí teai jara bada”. Mãɨya ẽpẽerã minachia ãarea seadaipɨ.

2 Pedro 3:17

Ũpẽarã, mãrapa mãɨ k'awa p'anɨ pẽra jĩrak'aua p'anat'ɨ ẽpẽra k'achiarãpa piawẽa jaratea p'anɨnepa seapidaemaapa. Mãɨya mãrapa minachia ĩjãa p'anɨt'a itu bɨdaiwẽma.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Juan 6:39

Mɨ Peedapa k'ɨ̃ria bɨma ichia mɨá teadaɨrã aba pida atuapiemaapa, mãɨpari nãɨ jõru ewari parude, ãchi chok'ae p'irabaripiipɨ.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

Gálata 4:15

¿K'ãasãasima mãra naena arapá p'ananat'a? Mɨa piarã jararuma mãrapa p'ue oodaipara, ara machi tau noet'ai pasima mɨá teadai k'orea.

Romano 12:18

Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

Hecho 20:16

Pablo Asia tuade tãaraa baemaapa Ép'eso p'uurude wãwẽa p'asa wãsima. Ichi isapea Jerusalene che k'ɨ̃ria basima, p'ue cherupara, Pentecosté ewaride mãma bai k'orea.

Mateo 22:14

Tachi Ak'õrepa chok'ará t'ɨ̃ pee bɨma, maamina waibɨawẽa jɨrɨ ataipɨ».

Mateo 24:22

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Mateo 24:25

Jõma makɨɨ mɨa mãrá jarasima mãɨyai naena.

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Juan 4:48

Jesupa ichiá jarasima: —Mãrapa ẽpẽerãpa ne p'ue oodak'apɨ́ ununaepɨra mɨa jara bɨde ĩjãanaiwẽma.

1 Juan 2:18

Mɨ warrarã, nãɨ ewari jõpodoruma. Mãrapa ũrisidama Cristo nek'ĩramá cheit'a. Mãɨnepa minachia Cristo nek'ĩramaarã nɨbɨma. Mãɨpuru tachia k'awa p'anɨma nãɨ ewari jõpodorut'a.

1 Juan 2:22

¿Chi seajaraparí k'aima? Chi Jesú Tachi Ak'õrepa teai jarada Tachi K'aripapariwẽane a bɨpɨ. Ichi Cristo nek'ĩramaapɨ. Ichia Tachi Pajãnepema Ak'õre mãɨnepa Tachi Ak'õre Warra itu bɨ bɨma.