Mateo 24:14 - Tachi Ak'õre Pedea

¹⁴ Mãɨne chi pedea pia Tachi Ak'õrepa ichidirã ichi juade ua bɨ k'orea jõma nãɨ ĩjũane jaradaipɨ p'uuru becha ũrinamẽrá. Mãɨya bak'aripuru nãɨ ewari jõipɨ.

Mateo 24:14 Referans Kwoze

Apocalipsi 14:6

Mãɨya nak'ari mɨa aba chi Tachi Ak'õrepa ɨt'aripa peeda pajãne wãamari wã nɨbɨt'a unusima. Ichia chi pedea pia uru basima ãarea ẽpẽerã́ jarai k'orea: ĩjũanepemarãcha, ẽpẽerã awaraɨcha, pedeacha mãɨnepa p'uurucha. Mãɨ pedea ewaricha mãɨya baipɨ.

Romano 10:18

Maamina mɨa idiruma: ¿Judiorãpa mãɨ pedea ũrinaé pasik'ãra? Piarã ũrisidama. Tachi Ak'õre pedeade nãɨya bɨ bɨma: «Ichi k'orea jõma nãɨ ĩjũane jarasidama. Mãɨ pedea t'ɨmɨa jarade wãsidama».

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

Mateo 10:7

Mãra wãutamá jarat'ɨ: “Tãaraawẽa bɨde Pajãne Bɨpa ichidirã ichi juade ua baipɨ”.

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

Mateo 24:6

P'uuru aba bɨ awaraɨ ome k'ĩruupik'a nɨbɨ mãɨnepa mãɨ k'ĩruupik'a nɨbɨ ũriutade, p'erarãt'ɨ. Mãɨ jõma mãɨyai bɨma. Maamina nãɨ ewari waidi paiwẽma.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Hecho 17:6

Maamina ãchi ununaé pasima. Mãɨ k'orea Jasón mãɨnepa chi waapẽarã ũpẽarã jitadak'ari chi p'uurudepema chaarearãmá jidibari ateewãsidama. Ãareaɨrãpa biadak'ari jarasidama: «Nãɨrã ẽpẽerãpa nãɨ ĩjũane ãarea nepɨra oo p'anɨpa ara mãɨya abarik'a nãmá oode chesidama.

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.

Hecho 20:25

»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a.

Mateo 24:3

Jesú Olivo eyade suak'abari baside ichi ome p'ɨrrɨapataɨrã ichimá wãnak'ari ãchi tuaba nãɨya idisidama: —Taiyá jarase, Tachi Ak'õre te minachia bɨ ¿sãapae mãɨ ãriima? ¿K'ãrenepa k'awadaima pɨ cheit'a? Mãɨnepa ¿k'ãrenepa k'awadaima mãɨ jõi ewari k'ait'a parude?

Apocalipsi 16:14

Mãɨrã chi ãnimara mietaarã jaorerãpa ne p'ue oodak'apɨ́ minachia oopachidama. Mãɨnepa chi tuachadepemarã poro jũra jɨ̃parí jɨ̃ p'anɨrã́ jarade wãsidama Tachi Chipari ome k'ĩruune wãnamẽrá, Tachi Ak'õre chi Ne Ãarea P'ue Bɨpa ɨtɨai ewaride.

Luca 4:5

Mãɨya bak'ari tiorepa Jesú eya ɨt'ɨ bɨdea ateesima. Mãmãɨpa nãɨ ĩjũane be p'uuru ãarea ak'ɨpisima.

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

Hecho 11:28

Aba Agabo apataɨ bai nɨbeek'ari Tachi Ak'õre Jaoredepa jarasima jõma nãɨ ĩjũane jarra minachia cheit'a. Mãɨ jarra piarã chesima Claudio chi Romanepema chi atepe poro chaarea bɨ ewari paside.

Mateo 18:19

»Mɨa nãɨya jararuma: mɨne ĩjãapataɨrã ume wa ũpea ará p'anɨne mɨ sida mãma baipɨ. Mãɨpuru mãranepema ume p'anɨ nãɨ ĩjũane mɨ Ak'õrea ɨt'aa chiididai k'orea pedea audaipɨra, mãrapa ɨt'aa chiidiuta mɨ Ak'õre pajãne bɨpa ooipɨ.

Luca 2:1

Mãɨ ewaride Romanepema chi atepe poro chaarea bɨ Augusto apataɨpa ẽpẽrarã ichi juade ua bɨdepemarã ãarea joisiapisima.

Marco 13:10

Maamina nãɨ ewari pai naena chi pedea pia mɨ k'orea p'uurucha ãarea jaradai p'anɨma.

Hecho 17:31

Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.

Hecho 19:27

Mãɨpa chi tachia mimiapataɨ ẽpẽerãpa piawẽa unu p'aneenaipɨ. Chi Artemisa te minachia bɨ sida waa t'ɨ̃ p'oaiwẽma. Mãɨyara Asia tuade mãɨnepa ãarea nãɨ ĩjũane chi Artemisade ĩjãa p'anɨpa waa atepe k'ɨ̃risiadaiwẽma».

Hebreo 1:6

Mãɨ awara Tachi Ak'õrepa ichi Warra aba bɨt'a nãɨ ĩjũanea peeside nãɨya jarasima: «Ãarea Tachi Pajãnepema Ak'õrepa ɨt'aripa peedaɨrãpa ichiá pia pedeadai p'anɨma».

Hebreo 2:5

Chi ĩjũa chiwidi chei bɨt'a, chi mãɨ k'orea taipa jara p'anɨt'a Tachi Ak'õrepa ichia ɨt'aripa peedaɨrã juade mãɨ bɨé pasima.