Mateo 23:34 - Tachi Ak'õre Pedea

³⁴ Mɨa Tachi Ak'õre pari pedeapataɨrã, k'ɨ̃risia k'awa berã mãɨnepa Moisepa bɨda jarateapataɨrã mãramá peeipɨ. Maamina mãrapa chi eda waapẽarã peadaipɨ mãɨnepa chi eda waapẽarã k'urusude barijira bɨdaipɨ. Waapẽarã mãra judiorã ará pedeapataɨ tede soapa p'edaipɨ mãɨnepa p'uurucha ẽp'ẽnaipɨ.

Mateo 23:34 Referans Kwoze

Mateo 13:52

Mãɨne Jesupa jarasima: —Pajãne Bɨpa ichidirã ichi juade ua bɨ k'orea Moisepa bɨda jarateaparipa k'awasira te chipari jĩra bɨma. Ichia yaa uru bɨdepema nepia chiwidi mãɨnepa chi chõarãenapema ak'ɨpiparima.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Mateo 10:23

P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Apocalipsi 11:10

Chi ẽpẽerã nãɨ ĩjũanepemarã chi piudada k'orea arapaapatama. Arapá p'anɨnepa ara ãchicha ne pari teadaipɨ Tachi Ak'õre pari pedeapataɨrãpa ãchiá minachia mĩapisida pẽra.

Hebreo 11:37

Eda waapẽarã mawarapa bat'a peasidama. Eda waapẽarã tachi estarik'a ɨrradak'ari peasidama. Eda waapẽarã k'ĩruuparí nek'opa peasidama. Eda waapẽarã te newẽa be pẽra, paritua p'ɨrrɨa wãsidama. Mãɨne jɨ̃nai k'orea newẽa beada pẽra oveja e k'osada mãɨnepa chivo e k'osada jɨ̃pachidama. Ãchi abaeda ne newẽa beasima. Ẽpẽerãpa ãchi minachia mĩapipachidama mãɨnepa piawẽa oopachidama.

1 Corintio 3:10

Mɨ te ooparí pia jĩra bɨma. Tachi Ak'õrepa ichi sõpiadepa mɨá teadadepa, te tĩitau yaayá eudu k'orosima. Waapẽarãpa mãɨ ɨ̃rɨ te oopatama. Maamina tachicha jĩrak'aua bai bɨma sãmaasã́ mãɨ ɨ̃rɨ ooi bɨt'a.

1 Corintio 2:6

Mãɨya taipa chi k'ɨ̃risia k'awaat'a jaratea p'anɨma chi Tachi Ak'õrene minachia ĩjãa berã́. Mãɨ k'ɨ̃risia k'awaat'a nãɨ ĩjũanepemawẽma mãɨnepa nãɨ ĩjũanepema minachia k'awa p'anɨrã k'ɨ̃risiawẽma. Ãchi tãaraa p'ananaiwẽma.

Hecho 15:32

Juda mãɨnepa Sila Tachi Ak'õre pari pedeapataɨrã pasima. Mãɨpuru ne minachia jarasidama ũpẽarãpa pia ĩjãanamẽrá mãɨnepa chaarea p'ananamẽrá.

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 12:2

Juan ũpẽa Santiago k'ĩruuparí nek'opa peapisima.

Hecho 11:27

Mãɨ ewaride Tachi Ak'õre pari pedeapataɨrã Jerusalenepa Antioquiadea wãsidama.

Hecho 5:40

Maapae Jesupa peedaɨrã mãicha t'ɨ̃ peesidama. Soapa p'epidak'ari ãchiá jarasidama waa Jesú t'ɨ̃nepa ẽpẽerã́ pedeapidaemaapa. Maapae ãjã́ pari bɨsidama.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 16:2

Judiorãpa mãra ãchi ará pedeapataɨ tedepema ãyá jerek'oadaipɨ. Mãɨ awara mãra peadai ewari paipɨ. Mãra peautade ãchia k'ɨ̃risiadaipɨ “Tachi Ak'õrepa k'ɨ̃ria bɨ oo p'anɨane” adait'a.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.

Mateo 23:31

Mãɨya mãrapa jara p'anɨma Tachi Ak'õre pari pedeapataɨrã mĩa peapataɨrãnepa chedaadarãpɨ. Mãra ara ãchi jĩra p'anɨma.