Mateo 23:26 - Tachi Ak'õre Pedea

²⁶ ¡P'ariseo tau p'ãrio be jĩra p'anɨma! Naa pasu mãɨnepa p'arat'u eda sɨɨse; maapae ɨ̃rɨpema sida pia sɨɨ beeipɨ.

Mateo 23:26 Referans Kwoze

Santiago 4:8

Tachi Ak'õre k'ait'a chet'ɨ, mãɨyara ichi mãra k'ait'a cheipɨ. Mãra chi nemietá oopataɨrã, ¡machi jua sɨɨuta jĩra waa nemietá oorãt'ɨ! Mãra chi k'ɨ̃risia ume uru be, ¡k'ɨ̃risia mietá itu bɨdak'ari aba Tachi Ak'õret'u k'ɨ̃risiat'ɨ!

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Mateo 12:33

»Nejõ bɨɨrɨ pia bɨpɨra, chauk'ari, nejõ pia baipɨ. Mãɨpari nejõ bɨɨrɨ mietá bɨpɨra, chauk'ari, nejõ mietá baipɨ. Nejõ bɨɨrɨ chi nejõnepa k'awapatama.

Luca 6:45

Ara mãɨ jĩra ẽpẽra pia bɨpa ichi sõne nepia uru bɨdepa nepia pedeaparima. Maamina ẽpẽra k'achiapa ichi sõne ne k'achia uru bɨdepa ne k'achia pedeaparima. Ẽpẽrapa ichi sõne k'ɨ̃risia bɨ jĩra pedeaparima.

Mateo 14:8

Mãɨne chi naepa ichi k'aua nãɨya idipisima: «Mɨá p'arat'ude Juan chi Porochoaparí poro tease».

Marco 7:4

Mãɨnepa ne netopataɨdepa chedak'ari p'ue jua sɨɨdawẽa nek'odak'ama. Mãɨ awara chõarãenapemarãpa jarateadada jĩra ne minachia oopatama: ãchi pasu, chok'o mãɨnepa p'arat'u cobre ooda, sɨɨpatama).

Luca 11:39

Mãɨne Tachi Chiparipa ichiá jarasima: —Mãra p'ariseorãpa pasu mãɨnepa p'arat'u ɨ̃rɨpema pia sɨɨpatama, maamina mãra sõne ne ãarea ara machi pae ata k'ɨ̃riapatama mãɨnepa k'achia k'ɨ̃risiapatama.