Mateo 23:11 - Tachi Ak'õre Pedea

¹¹ Mãranepema chi atepe bɨ waapẽarã pae pari mimiaparí pai bɨma.

Mateo 23:11 Referans Kwoze

1 Corintio 9:19

Mɨ chi waapẽarã pae pari mimiapariwẽ pẽra, chi jõmãɨrã pae pari mimiaparí beesima chok'araɨrãpa mɨnepa Jesucristode ĩjãanamẽrá.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

2 Corintio 11:23

Ãchi Cristo pae pari mimiapataɨrãane a p'anɨma. Maamina ãchi k'aepẽra mɨa atepe pia Cristopa k'ɨ̃ria bɨ ooparima. Mãɨya pedea bɨde k'ɨ̃risia newẽa bɨ jĩra pedea bɨma. Piarã ãchi k'aepẽra mɨa Tachi Ak'õrepa oo bɨt'a atepe ooparima. Ãchi k'aepẽra ẽpẽrarãpa mɨ bari k'ak'o minachia jok'aesidama. Ãchi k'aepẽra mɨ bari k'ak'o minachia eda jɨ̃a nɨbɨpisidama. Bari k'ak'o minachia mɨ piui basima.

Mateo 23:10

Mãɨnepa k'ɨ̃riarãt'ɨ ẽpẽrarãpa mãrá “tai chipari” adait'a, mãra Chipari abapuru bɨẽra. Ichi Tachi Ak'õrepa Tachi K'aripaparí teai padapɨ.

Marco 9:35

Maapae Jesú suak'abari beek'ari chi doce p'anɨ t'ɨ̃k'ari jarasima: —Abaɨpa chi atepe ba k'ɨ̃ria bɨpɨra, jõmãɨrã k'aepẽra k'aepe bai bɨma. Chi waapẽarã pae pari mimiaparí bai bɨma.