Mateo 22:40 - Tachi Ak'õre Pedea

⁴⁰ Mãɨ k'ɨ̃risia atepe ume p'anɨne tachia ĩjãanaipɨra, jõma Moisepa bɨdade mãɨnepa Tachi Ak'õre pari pedeapataɨrãpa bɨdaadade ĩjãanaipɨ.

Mateo 22:40 Referans Kwoze

Romano 13:9

Mãɨ Moisepa bɨdade jara bɨma: «K'ima awaraɨ ome k'ãirãse, mĩa pearãse, nechɨarãse, abaɨpa uru bɨt'a k'ɨ̃riarãse». Mãɨ pedea mãɨnepa jõma mãɨ Moisepa bɨdade jara bɨ sida nãɨ k'ɨ̃risia aba bɨde jõma jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

Mateo 7:12

Mãrapa k'ɨ̃ria p'anɨma waapẽarãpa mãra pia oodait'a. Mãɨpuru, ara mãɨ jĩra mãrapa waapẽarã pia oot'ɨ, chi Moisepa bɨdade mãɨnepa Tachi Ak'õre pari pedeapataɨrãpa bɨdade jãɨya jara bɨẽra.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Santiago 2:8

Mãrapa Moisepa bɨdadepema chi atepe bɨ piarã oo p'anɨpɨra, pia oo p'anɨma. Tachi Ak'õre pedeade mãɨ Moisepa bɨdade nãɨya jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.

Gálata 5:14

Moisepa bɨda nãɨ pedea aba ãarea jara bɨma: «Abaɨ k'ɨ̃riase ara pɨchi k'ɨ̃ria bɨ jĩra».