Mateo 22:21 - Tachi Ak'õre Pedea

²¹ Ãchia p'anoosidama: —Romanepema chi atepe poro chaarea bɨdé. Maapae Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.

Mateo 22:21 Referans Kwoze

Romano 13:7

Jõmãɨrã́ teat'ɨ mãrapa ãchicha teadai p'anɨ jĩra. Mãra minachia k'awa berã́ erreara teadai p'anɨt'a teat'ɨ. Mãrapa wap'eadai p'anɨ wap'eat'ɨ. Mãrapa chi pia jaradai p'anɨa pia jarat'ɨ.

Hecho 4:19

Maamina Pedropa mãɨnepa Juanpa jarasidama: —Minachia k'ɨ̃risiat'ɨ. ¿Pia bɨk'ãra Tachi Ak'õrene ĩjãanait'a wa mãrapa jara p'anɨt'a ĩjãanait'a? Taimá pia bɨma Tachi Ak'õrene ĩjãanait'a.

Mateo 22:37

Jesupa nãɨya p'anoosima: —Chi naa bɨda nãɨya jara bɨma: “Ãarea pɨ sõnepa, ãarea pɨ jaoredepa mãɨnepa ãarea pɨ k'ɨ̃risiadepa pɨa pɨchi Chipari, Tachi Ak'õre k'ɨ̃riase”. Tachi Ak'õrepa oopi bɨ pedeadepema mãɨt'a chi atepe piipará bɨma.

Luca 23:2

Maapae Pilato k'ĩrari Jesú nãɨya nepɨra pará bɨade a para beesima: —Taipa ũrisidama nãɨ ẽpẽrapa tai p'uuru k'ĩruupik'apii jĩra bɨt'a. Ichimá, taipa chi Romanepema chi atepe poro chaarea bɨ pae erreara k'oarapataɨ p'aai pia bɨwẽma. Mãɨ awara jara bɨma ichi chi Tachi Ak'õrepa Tachi K'aripaparí teai jaradapɨ. Mãɨpa ichi jõmãɨrã minachia k'awa bɨade a bɨma.

Hecho 5:29

Mãɨne Pedro mãɨnepa chi waapẽarã Jesupa peedaɨrãpa p'anoosidama: —Ẽpẽerãpa jara p'anɨ k'aepẽra Tachi Ak'õrepa jara bɨt'a ĩjãanai p'anɨma.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Mateo 22:20

Jesupa ak'ɨk'ari idisima: —¿K'ai k'ĩra nãɨne bɨ bɨma mãɨnepa k'ai t'ɨ̃ eda bɨ bɨma?

Marco 12:17

Mãɨne Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ. Ãchia Jesú k'orea k'awa k'ɨ̃risiadaé pasima.

Luca 20:25

Mãɨpuru Jesupa ãchiá jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.