Mateo 21:39 - Tachi Ak'õre Pedea

³⁹ Ara mãɨne chi warra jitadak'ari, chi uva k'ãenanepema ateewãnak'ari peasidama.

Mateo 21:39 Referans Kwoze

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.

Santiago 5:6

Mãrapa ẽpẽra jĩp'a bɨt'a nepɨra pará bɨade adak'ari, peasidama. Mãɨne ichia mi ãpia pida ooé pasima peapidaemaapa.

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.

Juan 18:12

Maapae romanepema papaká bepa, ara ãchi poro chaarea bɨpa mãɨnepa chi Tachi Ak'õre te ot'eapataɨrãpa Jesú jitadak'ari jua bɨrasidama.

Mateo 26:57

Maapae Jesú jitadaadarãpa ichi p'aare minachia k'awa bɨ Caip'amá enemeesidama. Mãɨ Caip'á tede Moisepa bɨda jarateapataɨrã, judiorã chi mãɨrã chaarearã ome ará jere tuanasidama.

Hecho 5:30

Mãrapa Jesú k'urusude barijira bɨk'ari peasidama. Maamina mãrapa peadada tachi chõarãenapemarã Ak'õrepa mãɨ chok'ae p'irabaripisima.

Hecho 4:10

Mãɨya bɨpɨra, taipa ãarea ará p'anoonaipɨ mãrapa mãɨnepa ãarea israel ĩjũanepemarãpa mãɨ ãarea k'awadamẽrá. Nãɨ ẽpẽra ara mãra k'ĩrari bɨt'a Jesucristo Nazaredepema jua chaareadepa jɨpa beesima. Mãɨ Jesucristo mãrapa k'urusude barijira bɨk'ari peasidama, maamina Tachi Ak'õrepa ichi chok'ae p'irabaripisima.

Juan 18:24

Maapae Anaspa Jesú jua bɨra bɨt'a Caip'amá peesima, ichi p'aare minachia k'awa bɨ pẽra.

Mateo 26:50

Jesupa ichiá jarasima: —K'õp'ãero, pɨchia oode cheru oose. Ara mãɨne waapẽarã orrobaridak'ari Jesú jitasidama.

Mateo 21:38

Maamina ãchia mãɨ warra unusidaɨde ara ãchi tuaba pedea para beesima: “Jãɨpa chi ak'õre piuk'ari, ichia ne uru bada ãarea jɨ̃aipɨ. ¡Mãɨpuru ichi peadaipɨ! Mãɨya nãɨ ĩjũa tachi pae beeipɨ”.

Mateo 21:40

Jãɨ chi chipari cherude ichi uva k'ãenane mimiapataɨrã ome ¿k'ãre ooima?