Mateo 21:27 - Tachi Ak'õre Pedea

²⁷ Mãɨpuru Jesua p'anoosidama: —Taipa atuapɨ. Mãɨne Jesupa jarasima: —Mãɨya bɨpɨra mɨa pida mãrá jaraiwẽma k'aipa mɨá jãɨya oopi bɨt'a.

Mateo 21:27 Referans Kwoze

2 Corintio 4:3

Maamina chi pedea pia Cristo k'orea taipa jaratea p'anɨ waidi pia ũriwẽpɨra, aba chi atuai p'anɨrãmaapuru mãɨya bɨma.

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Juan 9:30

Mãɨne tau p'ãrio badapa jarasima: —¿K'ãre k'orea mãrapa ichi sãmapemat'a atua p'anɨane a p'anɨma? ¿Ichia mɨ tau jɨpa beepié pasik'ãra?

Mateo 16:3

Mãɨnepa tap'ededa ɨmata ochiaparieri pajã p'urea nɨbɨpɨra mãɨnepa t'aua nɨbɨpɨra, mãrapa ewari mietá bayade apatama. Mãrapa mãɨya ewari k'ĩra k'awa p'anɨmina Tachi Ak'õrepa nãɨ ewaride oo bɨt'a k'awadak'ama.

Mateo 15:14

Mãɨpuru p'ariseorã k'orea k'ɨ̃risiarãt'ɨ. Ãchi tau p'ãrio be jĩra p'anɨma. Tau p'ãrio bɨpa abaɨ tau p'ãrio bɨa o jarateasira, umea uriade baewãnaipɨ.

Mateo 21:26

Maamina taipa p'ue ẽpẽrapa ichi peesiade adaiwẽma». Ãchia mãɨya jarasidama chi ẽpẽerã p'uurudepemarã wap'ea p'anɨ pẽra. Chi p'uurudepemarãmá, mãɨ Juan piarã Tachi Ak'õre pari pedeaparí pasima.

Mateo 21:28

Mãɨya p'anɨne Jesupa p'aarerã chi mãɨrã chaarearã́ mãɨnepa judiorã chaarearã́ jarasima: —Mãrapa nãɨ nepɨra k'orea ¿k'ãret'a k'ɨ̃risia p'anɨma? Ẽpẽra basima. Mãɨ ẽpẽrapa warra ume uru basima. Ewariaba chi napemá nãɨya jarasima: “Warra, mimiane wãse mɨ uva k'ãena”.