Mateo 21:15 - Tachi Ak'õre Pedea

¹⁵ Maamina Jesupa mãma ẽpẽrarãpa ne p'ue oodak'apɨ́ oo bɨt'a ooside, warrarã Tachi Ak'õre te minachia bɨ p'ananapa Jesua nãɨya jĩk'ua biasidama: «¡Minachia pia bɨma Davidepa cheda!» Mãɨ p'aarerã chi mãɨrã chaarearãpa mãɨnepa Moisepa bɨda jarateapataɨrãpa mãɨ unusidaɨde k'ĩruusidama.

Mateo 21:15 Referans Kwoze

Mateo 21:9

Jesú naa wãutapa mãɨnepa k'aade cheutapa sõ arapá biapachidama: ¡Minachia pia bɨma Davidepa cheda! ¡Minachia pia bɨma Tachi Chipari t'ɨ̃nepa cheru! ¡Minachia pia bɨma chi Pajãne bɨt'a!

Juan 12:19

Mãɨne p'ariseorãpa ara ãchi tuaba jara p'anasima: «¡Ak'ɨt'ɨ! Ãareaɨrã ichi k'aade wãutama. Mãɨpuru chi tachia k'ɨ̃risiadada ichi k'orea mãɨ p'ue oodaiwẽma».

Juan 11:57

Maamina p'aarerã chi mãɨrã chaarearãpa mãɨnepa p'ariseorãpa jarasidama parituapa Jesú unusira jarai bɨma ichi jitadamẽrá.

Juan 7:42

¿Tachi Ak'õre pedeade jara bɨwẽk'ãra ichi Davidepa cheit'a? ¿Daví p'uuru Belenepa chei bɨwẽk'ãra?»

Juan 4:1

Mãɨ ewaride p'ariseorãpa ũrisidama Jesupa Juan k'aepẽra ẽpẽerã minachia atepe uru bɨt'a mãɨnepa porochoa bɨt'a.

Luca 22:66

Ãsã pak'ari p'uurudepema chi atepe k'awa p'anɨrã ará p'anasidama chi p'aarerã chi mãɨrã chaarearã mãɨnepa chi Moisepa bɨda jarateapataɨrã paara. Maapae Jesú ãchi k'ĩrari enemeepisidama. Ichiá nãɨya jarasidama:

Luca 22:2

Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrãpa Jesú peadai k'orea k'ɨ̃risia p'anasidama. Maamina p'uurudepemarã wap'ea p'anɨ pẽra ãarea taade mẽra oo k'ɨ̃ria p'anasidama.

Luca 20:1

Ewariaba Jesupa Tachi Ak'õre te eda ẽpẽrarã́ ichi k'orea pedea pia pedea basima. Mãɨne p'aarerã chi mãɨrã chaarearã, Moisepa bɨda jarateapataɨrã mãɨnepa judiorã chaarearã chesidama.

Marco 11:18

Mãɨ pedea ũrisidaɨde p'aarerã chi mãɨrã chaarearãpa mãɨnepa Moisepa bɨda jarateapataɨrãpa Jesú wap'easidama ichia jaratea bɨ ãareaɨrãpa pia ũri p'anɨ pẽra. Mãɨpuru jɨrɨ p'aneesidama ichi sãmaasã́ peadait'a.

Mateo 27:20

Mãɨne p'aarerã chi mãɨrã chaarearãpa mãɨnepa judiorã chaarearãpa chi minachia cheepɨrɨ nɨbɨa idipade asidama Pilatoa Barrabá k'ẽet'aapii mãɨ pari Jesú peadamẽrá.

Mateo 27:1

Tap'ededa ãarea p'aarerã chi mãɨrã chaarearã mãɨnepa judiorã chi mãɨrã chaarearã pedea ausidama Jesú peapidai k'orea.

Mateo 26:59

Mãɨne p'aarerã chi mãɨrã chaarearãpa mãɨnepa ãarea chi judiorã chi mãɨrã chaarearãpa ẽpẽerã jɨrɨsidama Jesú k'orea sea k'achia pedeadamẽrá. Ichi nepɨra pará bɨade adak'ari peapidai k'ɨ̃risiasidama.

Mateo 26:3

Mãɨmisa judiorã chaarearã, Moisepa bɨda jarateapataɨrã mãɨnepa p'aarerã chi mãɨrã chaarearã Caip'á te chomane ãarea ará jere nɨbeesima. Mãɨ Caip'á p'aare minachia k'awa bɨ basima.

Mateo 22:42

—Mãramá Tachi Ak'õrepa Tachi K'aripaparí teai jarada ¿k'aidí warrama? Ãchia p'anoosidama: —Davidepɨ.

Mateo 21:23

Jesú mãicha Tachi Ak'õre te minachia bɨ k'ait'a chek'ari jaratea beesima. Mãɨya bɨde p'aarerã chi mãɨrã chaarearã mãɨnepa judiorã chaarearã ichimá chesidama. Ãchia Jesua nãɨya idisidama: —Pɨa nãma oo bɨ ¿k'aipa oopi bɨma?

Mateo 9:27

Jesú mãmãɨpa wãside tau p'ãrio p'anana ume ichi k'aade bia chesidama. Mãɨ ẽpẽrarãpa jĩk'ua jarasidama: —¡Jesú, Davidepa cheda, tai k'ĩra chupuriase!

Mateo 20:24

Mãɨ chi waapẽarã diez p'anɨpa mãɨ ũrisidaɨde k'ĩruusidama Santiago mãɨnepa chi ũpẽa Juan ome.