Mateo 20:26 - Tachi Ak'õre Pedea

²⁶ Maamina mãra mãɨya p'ananaiwẽa p'anɨma. Mãranepema chi atepe ba k'ɨ̃ria bɨpɨra chi waapẽarã pae pari mimiaparí jĩra bai bɨma.

Mateo 20:26 Referans Kwoze

Marco 10:43

Maamina mãra mãɨya p'ananaiwẽa p'anɨma. Mãranepema chi atepe ba k'ɨ̃ria bɨpɨra chi waapẽarã pae pari mimiaparí jĩra bai bɨma.

Marco 10:45

Mãɨpuru mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Marco 9:35

Maapae Jesú suak'abari beek'ari chi doce p'anɨ t'ɨ̃k'ari jarasima: —Abaɨpa chi atepe ba k'ɨ̃ria bɨpɨra, jõmãɨrã k'aepẽra k'aepe bai bɨma. Chi waapẽarã pae pari mimiaparí bai bɨma.

1 Pedro 5:3

Chi mãrapa ak'ɨ p'anɨrã, machi pae pari mimiapataɨrã jĩra uru p'anarãt'ɨ, mãɨpari machi nipautadepa unupit'ɨ sãmaasã́ nipadai p'anɨ.

Luca 18:14

»Mɨa mãrá jararuma: mãɨ p'ariseo k'aepẽra mãɨ ẽpẽra tedea wãside Tachi Ak'õre k'ĩrari jĩp'a basima. Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

Mateo 25:44

»Mãɨne ãchia ididaipɨ: “Tai Chipari, taipa pɨ jarra nɨbɨ, opisia nɨbɨ, chĩara ĩjũanepema jĩra nipaside, neet'á newẽa bɨ, k'ɨdade bɨ, wa eda jɨ̃a nɨbɨpataɨ tede bɨ ununak'a pasima. ¿Sãapae pɨ k'aripadaé pasima?”

Hebreo 1:14

Mãɨyara ¿Tachi Ak'õrepa ɨt'aripa peedaɨrã k'airãma? Mãɨrã ãarea Tachi Ak'õre pae p'anɨẽra, ãchi peeparima chi ichia k'aripai bɨɨrã mãɨrã ak'ɨ p'ananamẽrá.

P'ilemón 1:13

Chi pedea pia Cristo k'orea mɨ eda serra bɨde ichi pɨ pari mɨ ome uru ba k'ɨ̃ria basima.

2 Timoteo 1:18

Mɨa k'ɨ̃ria bɨma Tachi Chiparipa ɨtɨai ewaride ichi k'ĩra chupuriai. Pɨa k'awa bɨma Onesip'oropa Ep'esode minachia k'aripasit'a.

2 Corintio 1:24

Taipa jara p'anɨ jĩra oopidaiwẽma, mãrapa Cristode minachia ĩjãa p'anɨ pẽra. Abapuru mãra k'aripa k'ɨ̃ria p'anɨma arapá p'ananamẽrá.

Hecho 13:5

Salamina p'uurude chedak'ari judiorã ará pedeapataɨ techa Tachi Ak'õre pedea jarateasidama. Ãchi k'aripai k'orea Juan Marco ãchi ome p'ɨrrɨasima.

Juan 18:36

Jesupa p'anoosima: —Mɨ ẽpẽerã mɨ juade ua bɨmina mɨ p'uuru nãɨ ĩjũanepemawẽma. Nãɨ ĩjũanepema padapara mɨ ẽpẽerã mɨ k'orea k'ĩruunai pasima judiorã́ mɨ jitapidaemaapa. Maamina mɨ p'uuru nãɨ ĩjũanepemawẽma.

Mateo 27:55

Mãɨne chok'ará wẽerãpa t'ɨmɨɨpa ak'ɨ tuanasidama. Jesú Galileadepa cheside ichi k'aripadayá nipapachidama.

Apocalipsi 17:6

Mãɨ ak'ɨside k'awasima mãɨ wẽra ẽpẽerã Tachi Ak'õreneerã oa torudepa piu basit'a, chi Jesude ĩjãapataɨrã peadada oapa. Mɨa mãɨ wẽra unuk'ari, waa k'awa k'ɨ̃risiawẽa beesima.

Mateo 20:27

Chi atepe ba k'ɨ̃ria bɨt'a jõmãɨrã k'aepẽra chi chipari pae pari mimiaparí jĩra bai bɨma.