Mateo 20:14 - Tachi Ak'õre Pedea

¹⁴ Pɨ erreara jitak'ari wãse. Mɨa pɨá teada jĩra chi k'aadea mimia p'ananarã́ tea k'ɨ̃ria bɨma.

Mateo 20:14 Referans Kwoze

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Luca 15:31

»Mãɨne chi ak'õrepa jarasima: “Warra, pɨ ewaricha mɨ ome baparima. Jõma mɨa uru bɨ poreade asima.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Romano 3:4

Mãɨyawẽma. Tachi Ak'õrepa ooi jarada piarã jõma ooipɨ. Ẽpẽrarã seajarapatamina Tachi Ak'õrepa ooparima ichia jara bɨ jĩra. Ichi Pedeade nãɨya bɨ bɨma: «Jõmãɨrãpa k'awadaipɨ pɨa jara bɨ jĩp'a bɨt'a; abaɨ pida pɨ k'orea k'achia pedearude pɨa k'awapiipɨ pɨ jĩp'a bɨt'a».

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:6

Pɨa Tachi Ak'õrea ɨt'aa chiidirude pɨchi tede eda wãse. Chi eda wãpataɨ jɨ̃at'ɨk'ari pɨchi tuaba pɨ Ak'õrea ɨt'aa chiidise. Pɨa k'ĩup'ea nepia oo bɨ Tachi Ak'õrepa unuparima. Ichiapuru pɨá nepia teaipɨ.

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Luca 16:25

Maamina Abrahanpa p'anoosima: “P'ue peeiwẽma. Warra, k'ɨ̃risiase pɨ pia bapachima chok'ae basieda; mãɨpari Lázaro chupuria bapachima. Idi Lázaro ne k'ɨ̃risiawẽa bɨma, mãɨne pɨ minachia mĩa bɨma.

Mateo 20:13

Maamina chi chiparipa p'anoosima: “K'õp'ãero, mɨa pɨ ome jĩp'a oo bɨma. ¿Pɨa mɨ ome pedea ausiwẽk'ãra ewari aba mimiana pari mãɨ erreara jitai k'orea?

Mateo 20:15

¿Pɨmá, mɨ errearadepa mɨchia k'ɨ̃ria bɨ ooiwẽa bɨk'ãra? ¿Pɨ sõk'achia bɨk'ãra mãɨ mɨ sõpia baparideepuru?”