Mateo 2:2 - Tachi Ak'õre Pedea

² Mãɨne ãchia idisidama: —Nãɨ tuade warra t'õsima judiorã poro jũra jɨ̃parí jɨ̃ bɨ pai k'orea. Ichi ¿sãma bɨma? Taipa ɨmata ochiaparieri ichi k'ãk'ãi unusidama. Nãmá che p'anɨma ichiá pia pedeadai k'orea.

Mateo 2:2 Referans Kwoze

Apocalipsi 22:16

»Mɨ Jesupɨ. Tachi Ak'õrepa ɨt'aripa peeda peesima mãɨ ãarea ũpẽarã becha jaramẽrá. Mɨ Davidepa chedapɨ, chi ichidepa t'õnapɨ. Mɨ chi ãsã parudepema k'ãk'ãi minachia jẽrat'ĩupariade apatama».

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

Hebreo 1:6

Mãɨ awara Tachi Ak'õrepa ichi Warra aba bɨt'a nãɨ ĩjũanea peeside nãɨya jarasima: «Ãarea Tachi Pajãnepema Ak'õrepa ɨt'aripa peedaɨrãpa ichiá pia pedeadai p'anɨma».

Luca 23:38

Pak'uru p'ep'edeade nãɨ pedea bɨdak'ari, mãɨ barijira bɨsidama Jesú poro ɨ̃rɨ k'urusude, k'awapidai k'orea ichi k'ãre k'orea peautat'a: «Nãɨ judiorã poro jũra jɨ̃parí jɨ̃ bɨpɨ».

Luca 23:3

Mãɨpuru Pilatopa Jesua idisima: —¿Pɨ piarã judiorã poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara bɨma.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Luca 19:38

Ãchia jara tuanasidama: «¡Minachia pia bɨma tachi Poro jũra jɨ̃parí jɨ̃ bɨt'a, chi Tachi Chipari t'ɨ̃nepa cheru! ¡Naapae Tachi Ak'õre ome nek'ĩramariwẽa tuananaipɨ! ¡Pajãne Bɨ chi Atepe bɨma!»

Luca 2:11

Idi Daví t'õna p'uuru Belene mãra k'aripaparí t'õsima. Ichi Cristopɨ, Tachi Chiparipɨ.

Juan 9:38

Ara mãɨne Jesú k'ĩrari sĩraporode k'obeek'ari jarasima: —Mɨ Chipari, mɨa ĩjãa bɨma.

Juan 19:19

Mãɨ awara Pilatopa pak'uru p'ep'edea Jesú poro nok'oari bɨpisima. Mãɨne nãɨya bɨpisima: «Jesú Nazaredepema, judiorã Poro Jũra Jɨ̃parí Jɨ̃ Bɨpɨ».

Juan 12:13

Mãɨpuru ãchia p'ãara k'irú jĩra bet'a t'ɨɨdak'ari ichiá pia pedeade wãsidama. Nãɨya jĩk'ua jarasidama: «¡Minachia pia bɨma! ¡Minachia pia bɨma chi Tachi Chipari t'ɨ̃nepa cherut'a! ¡Pia bɨma chi Israeldepema Poro jũra jɨ̃parí jɨ̃ bɨt'a!»

Mateo 27:11

Mãɨne Jesú Pilato k'ĩrari basima. Pilatopa ichiá idisima: —¿Pɨ piarã judiorã poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara bɨma.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Mateo 21:5

«Sión p'uurudepemarã́ nãɨya jarat'ɨ: “Ak'ɨt'ɨ, mãra chipari mũra ɨ̃rɨ mãramá cheruma. Chi ẽpẽra minachia k'awa bɨ jĩra chewẽma. Mũra chak'e ɨ̃rɨ cheruma”».

Mateo 2:3

Mãɨ ũriside Herode k'ĩra piawẽa beesima, ichi k'aepẽra poro jũra jɨ̃parí jɨ̃ bɨ awara cheru pẽra. Ichiaba Herodepa k'ãre ooit'a k'awadawẽa p'anɨẽra Jerusalenepemarã sida ãarea k'ĩra piawẽa p'aneesidama.