Mateo 19:29 - Tachi Ak'õre Pedea

²⁹ Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Mateo 19:29 Referans Kwoze

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

Luca 14:26

«Abaɨ pida mɨ ome p'ɨrrɨa k'ɨ̃ria bɨpɨra, naa minachia k'ɨ̃risiai pia bɨma. Ichi ak'õre, chi nae, chi k'ima, chi warrarã, chi ũpẽarã, chi ũpẽawẽrarã, wa ichi chok'ae bai mɨ k'aepẽra atepe k'ɨ̃ria bɨpɨra, mãɨ mɨ ome p'ue nipaiwẽma.

Mateo 16:25

Abaɨ pida nãɨ ĩjũane pia bai k'orea jɨrɨ baipɨra, k'aadea ewari parude ichi atuaipɨ. Maamina abaɨ pida mɨ k'orea piuipɨra, Tachi Ak'õre ome ewaricha chok'ae baipɨ.

Mateo 6:33

Mãɨpuru k'ɨ̃riat'ɨ Tachi Ak'õrepa machi ichi juade ua bai ichidirã ome. Jĩrak'aua p'anat'ɨ ichia oopi bɨ oodai k'orea. Mãɨya mãra ne newẽa p'anɨ ichia ãarea teaipɨ.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Mateo 5:11

Mɨ k'orea k'achia pedeadaipɨra, mĩapii p'anɨpɨra mãɨnepa wawaria seadepa k'achia pedeadaipɨra, mãra pia p'anɨma.

1 Corintio 2:9

Maamina k'awadaé pasima Tachi Ak'õre pedeade nãɨya bɨ bɨ jĩra: «Chi Tachi Ak'õrepa ichi k'ɨ̃ria berã pae pia ooda uru bɨ, mi ãpia pida wapida ununak'ama, k'ɨɨrɨpa ũrinak'ama mãɨnepa mi ãpia pida k'awa k'ɨ̃risiadak'ama».

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Mateo 19:16

Ewariaba k'ũtã́ Jesumá chesima. Mãɨ k'ũtãpa idisima: —Jarateaparí, Tachi Ak'õre ome ewaricha chok'ae bai k'orea ¿mɨa k'ãret'a nepia ooi bɨma?

Mateo 13:23

Maamina chi net'a tau ĩjũa piade p'oda nãɨya jara k'ɨ̃ria bɨma: chi eda waapẽarãpa Tachi Ak'õre pedea pia ũrinak'ari ĩjãapatama. Mãɨrã chi waapẽarãpa nepia ãpia oopatama mãɨnepa chi waapẽarãpa ne wait'apea oopatama, mãɨ awara chi waapẽarãpa ne minachia oopatama.

2 Corintio 5:16

Mãɨ k'orea nãɨ ĩjũanepemarãpa waapẽarã ak'ɨpata jĩra naapae taipa mãɨya ak'ɨdak'ama. Naena taipa Cristo k'orea mãɨya k'ɨ̃risia p'anɨmina naapae mãɨya oodak'ama.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 13:8

Maamina chi eda waapẽarã net'a tau ĩjũa piade baek'oasidama. Waapẽarã minachia chausidama, mãɨ awara atepe chausidama, mãɨ awara mãɨ atepe pará chausidama.

3 Juan 1:7

Ãchi Jesucristo k'orea jarateade wãsidaɨde, chi Tachi Ak'õrene ĩjãanak'apɨɨrã́ ne ididaé pasima k'aripadamẽrá.

Luca 5:11

Ãchia p'ãp'orro ipudea ateewãnak'ari ãarea ameesidama. Maapae Jesú ome wãsidama.

Juan 4:36

Ne uu ĩjũa baadai ewari chesima. Ne uu ĩjũa baauta jĩra mãra mimianaipɨ ẽpẽerãpa mɨne ĩjãanamẽrá. Mãɨya ãchi Tachi Ak'õre ome ewaricha chok'ae p'ananaipɨ. Chi ne uu ĩjũa baaparí arapaaparima ichia erreara jitai bɨ pẽra. Ara mãɨ jĩra mãra arapaadaipɨ ẽpẽerãpa mɨne ĩjãauta k'orea. Chi ne uu ĩjũa baaparí chi ne uuparí ome arapá p'ananaipɨ.