Mateo 19:22 - Tachi Ak'õre Pedea

²² K'ũtãpa mãɨ ũrik'ari k'ĩra piawẽa wãsima, neet'á minachia uru basidepa.

Mateo 19:22 Referans Kwoze

Mateo 6:24

»Ẽpẽra abaɨ pida p'ue mimiaiwẽma ichi chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

Ep'esio 5:5

Mãrapa k'awa p'anɨma k'ima awaraɨ ome k'ãipataɨ, k'ĩra p'erapiparide nipapataɨ mãɨnepa nejõma k'ɨ̃riapataɨ chi Cristo mãɨnepa Tachi Ak'õrepa teadayade adada p'ue jitadaiwẽma. Nejõma k'ɨ̃ria bait'a, juapa oodada sãdode ĩjãa bɨ jĩra bɨma, Tachi Ak'õre k'aepẽra, chi ichia k'ɨ̃ria bɨt'a atepe ĩjãa bɨ pẽra.

Marco 10:22

Mãɨ ũrik'ari sõk'achia beek'ari, k'ĩra piawẽa wãsima, neet'á minachia uru basidepa.

Mateo 16:26

Ẽpẽra nãɨ ĩjũane ne ãarea uru bɨde piuipɨra, ¿ichia uru bɨpa k'aripaik'ãra? ¿Jõmasã́ teai bɨma, ichi piuemaapa?

Luca 18:23

Mãɨ ũriside chi ẽpẽra k'ĩra piawẽa beesima, erreara minachia uru bɨẽra.

Mateo 14:9

Mãɨya idiside Herode k'ĩra piawẽa beesima. Maamina ãarea ichi ome nek'o p'anɨrã k'ĩrari piarã jarada pẽra Herodía k'aupa idida oopisima.

Marco 6:26

Mãɨya idiside Herode minachia sõk'achia beesima. Maamina ichi ome nek'o p'anɨrã k'ĩrari piarã jarada pẽra mãɨ ãwẽrapa idida p'ue teawẽane aé pasima.

Mateo 19:21

Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Mateo 19:23

Mãɨne Jesupa ichi ome p'ɨrrɨapataɨrã́ jarasima: —Piarã chi t'aju bɨma ẽpẽra ɨbɨa bɨ, Pajãne Bɨ juade bai k'orea ichidirã paara.

Juan 16:20

Mɨa piarã jararuma: nãɨ ĩjũanepemarã arapá p'anɨmisa, mãra sõp'uapa jẽanaipɨ. Mãra sõk'achia p'ananaipɨ, maamina mãɨ jõk'ari arapaadaipɨ.