Mateo 19:21 - Tachi Ak'õre Pedea

²¹ Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Mateo 19:21 Referans Kwoze

Marco 10:21

Mãɨne Jesupa k'ɨ̃ria bɨdepa ichi ak'ɨk'ari jarasima: —Ne abawẽa bɨma. Pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 18:22

Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 14:33

»Ara mãɨ jĩra mɨ ome p'ɨrrɨai naena mãranepemapa abaɨpa ne ãarea itu bɨi k'orea k'ɨ̃risiaepɨra mɨ ome p'ue nipaiwẽma.

Juan 12:26

Paritua mɨ pae pari mimiaparí pa k'ɨ̃ria bɨpɨra, mɨ ome nipai bɨma. Mɨ wãrumá, chi mɨ pae pari mimiaparí sida wãipɨ. Paritua mɨ pae pari mimiaparipɨra, mɨ Ak'õrepa ichi chi choma bɨipɨ.

Luca 9:23

Jesupa jõmãɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari ewaricha minachia mĩai k'orea bai bɨma. Maapae mɨ ome wãi bɨma.

Juan 10:27

Mɨ ovejarãpa mɨ pedea k'awa p'anɨma. Mɨa ãchi k'awa bɨma. Mãɨpuru ãchi mɨ k'aade wãpatama.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

Luca 16:9

Ara mãɨ jĩra mɨa mãrá jararuma: nãɨ ĩjũanepema errearapa ẽpẽrarã chok'ará k'aripat'ɨ. Mãɨya mãra k'õp'ãerorã chok'ará uru p'ananaipɨ. Maapae mãra piuutade pajãne pia k'ɨ̃rianaipɨ.

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Mateo 16:24

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Luca 6:40

Chi jarateaparí ome baparí, chi jarateaparí k'aepẽra atepe k'awa bɨwẽma. Maamina ichia ne minachia k'awak'ari chi jarateaparí jĩra beeipɨ.

Luca 5:27

Mãɨya bak'ari Jesú wãrune ẽpẽra Romanepema pae erreara jɨrɨp'eparí unusima. Chi t'ɨ̃ Leví pasima. Mãɨ ẽpẽra erreara jɨrɨp'eparí tede suak'abari basima. Jesupa unuk'ari jarasima: —Mɨ ome chese.

Marco 8:34

Jesupa chi ichi ome p'ɨrrɨapataɨrã mãɨnepa chi ẽpẽerã minachia nɨbɨ t'ɨ̃k'oak'ari jarasima: «Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Mateo 9:9

Jesú mãmãɨpa wãrune ẽpẽra Mateo apataɨ unusima. Mãɨ ẽpẽra chi Romanepema pae erreara jɨrɨp'eparí tede suak'abari basima. Jesupa Mateoa jarasima: «Mɨ ome chese». Ara mãɨne Mateo p'irabarik'ari Jesú ome wãsima.

Hebreo 10:34

Chi Cristo k'orea eda serrasidaɨde mãrapa k'ĩra chupuriasidama. Mãɨnepa mãrapa ne uru beada arapá chi ĩjãanak'apɨɨrã́ itu ẽemaripisidama, k'awa p'anɨ pẽra mãɨ k'aepẽra nepia jõk'apɨ́ pajãne uru p'anɨt'a.

Marco 2:14

Wãrune Jesupa Alp'eo warra Leví unusima. Mãɨ Leví chi Romanepema pae erreara jɨrɨp'eparí tede suak'abari basima. Jesupa ichiá jarasima: «Mɨ ome chese». Ara mãɨne Leví p'irabarik'ari Jesú ome wãsima.

Mateo 8:22

Jesupa ichiá jarasima: —Mɨ ome chese. Itu bɨse, chi piudaadapa chi piudada t'ɨbaridamẽrá.

Mateo 4:19

Jesupa ãchiá jarasima: —Mɨ ome chet'ɨ. Mãrapa to bat'apata jĩra mɨa mãrá jarateaipɨ ẽpẽerã mɨmá enemeenamẽrá.

Mateo 19:20

K'ũtãpa jarasima: —Mãɨ ãarea oo bɨma. Mɨa ¿k'ãre ooiwẽa bɨma?

Mateo 19:22

K'ũtãpa mãɨ ũrik'ari k'ĩra piawẽa wãsima, neet'á minachia uru basidepa.