Mateo 18:31 - Tachi Ak'õre Pedea

³¹ Chi waapẽarã mimiapataɨrãpa mãɨ ununak'ari, k'ĩra piawẽa p'aneenak'ari, maapae chi poro jũra jɨ̃parí jɨ̃ bɨmá mãɨ ãarea jarade wãsidama.

Mateo 18:31 Referans Kwoze

Romano 12:15

Chi arapá be ome arapá p'anat'ɨ. Chi sõp'ua be ome sõp'ua p'anat'ɨ.

Hebreo 13:3

K'ɨ̃risia atuarãt'ɨ chi jɨ̃a nɨbɨpataɨ tede nɨbet'a, mãra sida ãchi ome eda serra p'anɨ jĩra. Chi ẽpẽrarãpa piawẽa oo p'anɨnepa minachia mĩa be k'ɨ̃risia atuarãt'ɨ mãra sida ãchi ome minachia mĩa p'anɨ jĩra.

Marco 3:5

Mãɨne Jesú k'ĩra piawẽa beesima ãchi sõ chaarea p'anasideepuru. Ãchi k'ĩruu ak'ɨside chi jua sorek'ea bɨa jarasima: —Jua ɨase. Mãɨya ɨaside ichi jua jɨpa beesima.

Luca 19:41

Jesú Jerusalén k'ait'a cherude, chi p'uuru unusima. Mãɨ p'uuru k'orea jẽasima.

Luca 14:21

Chi ichi pae pari mimiaparí jĩitea wãk'ari ãchia jaradada te chiparia jarasima. Mãɨ k'orea chi chipari minachia k'ĩruuk'ari ichi pae pari mimiaparia jarasima: “P'uurudea isapea wãpade asima. Maapae chi nenea berã, chi sorek'ea berã, chi tau p'ãrio berã, chi sĩta bak'ea berã sida ãarea chepik'oase”.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

2 Corintio 11:21

Mɨa jararuma: mɨ mãra t'ãena baside, jãɨrã jĩra baé pasima. Mãramá, mɨ mãɨya jua chaareawẽa bada k'orea ¿p'era bai bɨk'ãra? Abaɨ pida ara ichi k'orea p'ue pia pedeaipɨra, mɨa pida ara mɨ k'orea p'ue pia pedeaipɨ. Maamina mãɨya pedeai k'ɨ̃risia newẽa bɨ jĩra pedeai bɨma.

Mateo 14:9

Mãɨya idiside Herode k'ĩra piawẽa beesima. Maamina ãarea ichi ome nek'o p'anɨrã k'ĩrari piarã jarada pẽra Herodía k'aupa idida oopisima.

Mateo 18:28

»Maapae mãɨ ẽpẽra tajatá wãrune ichi paaraɨrãnepema aba unusima. Mãɨpa ichiá erreara ãpia tee pará basima. Mãɨ ojɨ̃aparak'ari, ɨ̃apaa k'achia nɨbeek'ari, jarasima: “Mɨá tee pará bɨt'a p'aase”.

Mateo 18:30

Maamina chi abaɨpa ũri k'ɨ̃riaé pasima. Mãɨ k'aepẽra jɨ̃a nɨbɨpataɨ tede eda jɨ̃a nɨbɨpisima chi tee pará bada ãarea p'aarumá.

Mateo 18:32

Mãɨya ũrik'ari, ichia chi tee pará bada t'ɨ̃ peesima. Arí pak'ari, ichia nãɨya jarasima: “¡Pɨ ẽpẽra sõk'achia bɨ! ¡Pɨa mɨá chichupuria idide chek'ari, mɨa sõchupuria basima mãɨnepa pɨa tee pará bada k'ɨ̃risia atuasima!