Mateo 18:15 - Tachi Ak'õre Pedea

¹⁵ »Pɨ ũpẽapa pɨ nemietá oosira, ichimá wãk'ari mãra tuaba p'anɨne, pedease ichia nemietá ooda k'awamẽrá. Ichia pɨ pedea ũrisira, ichi ome sõpia beeipɨ.

Mateo 18:15 Referans Kwoze

Colosense 3:13

Jõmãɨrã ome choa k'awa p'anat'ɨ. Abaɨpa piawẽa oosira mãɨ piawẽa ooda k'ɨ̃risia atuat'ɨ. Mãrapa piawẽa oodada Tachi Chiparipa k'ɨ̃risia atuada jĩra mãra pida k'ɨ̃risia atuat'ɨ.

Gálata 6:1

Ũpẽarã, mãranepema k'awawẽa nemietaade baesira, mãra chi Tachi Ak'õre Jaoredepa p'ɨrrɨa p'anɨpa, waapẽarã k'aepẽra piipará be jĩra k'ɨ̃risiadak'aɨdepa, mãɨ k'aripadai p'anɨma mãicha jĩp'a nipamẽrá. Maamina jĩrak'aua p'anat'ɨ mãra sida abarik'a nemietaade baedaemaapa.

2 Tesalonicense 3:15

Maamina ichi mãra ome chi nek'ĩramá jĩra uru p'anarãt'ɨ, mãɨpari mãra ũpẽa pẽra jarat'ɨ jĩp'a oomẽrá.

Mateo 18:35

»Mãɨ jĩra ooipɨ mɨ Ak'õre ɨt'ari bɨpa mãra ome pida, mãra ũpẽarã sõchupuriadaepɨra mãɨnepa sõnepa ãchia mãra nemietá oodada k'ɨ̃risia atuadaepɨra.

Romano 12:21

Abaɨ pida mãra piawẽa oo baipɨra abarik'a oorãt'ɨ. Mãɨpari pia oot'ɨ ichi k'ĩra p'erak'ari ichia piawẽa oo bɨ itu bɨmẽrá.

1 Pedro 3:1

Mãra wẽra k'ima pará berã, mãra k'ima pedea ũrit'ɨ. Mãɨya chi eda wẽerã k'imanepemarãpa Tachi Ak'õre pedea ĩjãanawẽa p'anɨmina mãra jĩp'a be mãɨnepa Tachi Ak'õre wap'ea be ununak'ari ĩjãanaipɨ. Mãrapa ãchiá ĩjãanamẽrá jaradawẽmina, pia oo p'anɨ k'orea ĩjãapidaipɨ.

1 Corintio 8:12

Mãrapa mãɨ atua be ũpẽarã k'achiade baepiutade Cristot'a nemietá oo p'anɨma.

2 Corintio 7:12

Mɨa mãɨ k'art'a abapuru chi nemietá ooda ẽpẽra ɨtɨai k'orea bɨé pasima. Mãɨnepa chi piawẽa beada ẽpẽra k'aripai k'orea bɨé pasima. Mãɨpari bɨsima mãrapa oo p'anɨnepa Tachi Ak'õre k'ĩrari k'awadamẽrá piarã tai ome p'anɨ.

1 Tesalonicense 4:6

Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

Mateo 18:14

Ara mãɨ jĩra mãra Ak'õre pajãne bɨpa k'ɨ̃riawẽma aba pida warra chak'e atuai.

Mateo 18:21

Maapae Jesú orrobarik'ari Pedropa idisima: —Mɨ Chipari, mɨ ũpẽapa mɨ nemietá oorude ¿bari k'ak'o jõmasã́ k'ɨ̃risia atuai bɨ? ¿Bari k'ak'o siete pia bɨk'ãra?

Tito 3:10

Abaɨpa ũpẽarã́ k'ĩruu pedeapisira, ichi ɨtɨase waa mãɨya oopiemaapa. Ichia ĩjãawẽpɨra, mãicha ɨtɨase. Mãɨne waidi ĩjãawẽpɨra, ichi ome barãse.