Mateo 17:20 - Tachi Ak'õre Pedea

²⁰ Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Mateo 17:20 Referans Kwoze

Luca 17:6

Tachi Chiparipa jarasima: —Mostaza net'a tau ãpia k'ɨrɨ jĩra mãrapa ãpia ĩjãa p'anɨpara, cha bɨ pak'urua “pɨ k'arra ẽut'aak'ari p'usadea wãpade” autade ara mãɨ pak'urupa mãra pedea ĩjãai pasima.

Marco 11:23

Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma.

Luca 18:27

Jesupa p'anoosima: —Ẽpẽrapa mãɨ p'ue ook'ama maamina Tachi Ak'õremá ne chi t'aju bɨ newẽma.

Luca 1:37

Tachi Ak'õrepa p'ue ooiwẽa bɨ newẽma.

Mateo 21:21

Jesupa p'anoosima: —Mɨa piarã jararuma: piarã Tachi Ak'õrepa mãrapa idi p'anɨ p'ue ooyade a k'ɨ̃risia p'anɨpɨra, mãɨnepa ichia p'ue ooiwẽane a p'anɨwẽpɨra, mɨa jãɨ higojõ bɨɨrɨ ooda k'aepẽra mãrapa atepe oodaipɨ. Mãrapa cha bɨ eyá ãyá wãpade adaipɨra mãɨnepa p'usadea eda baewãpade adaipɨra, ara mãɨya baewãipɨ.

Marco 9:23

Mãɨne Jesupa jarasima: —Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

Mateo 13:31

Mãicha Jesupa mãicha nepɨrɨsima jarateai k'orea: —Pajãne Bɨpa ichidirã ichi juade ua bɨt'a nãɨ jĩra bɨma. Ẽpẽrapa mostaza tau ichi ĩjũane uusima.

Juan 11:40

Maamina Jesupa jarasima: —¿Mɨa jarawẽa basik'ãra pɨa piarã ĩjãaipɨra, Tachi Ak'õre chi choma bɨ unuit'a?

Marco 4:31

Mostaza tau jĩra bɨma. Mãɨ mostaza tau chi waapẽarã net'a tau k'aepẽra chi ãpia pará bɨma.

Hebreo 3:19

Mãɨnepa tachia k'awa p'anɨma ãchia ĩjãanaanawẽ pẽra Tachi Ak'õrepa ãchi ɨ̃apaapii badamá p'ue padaiwẽt'a.

Mateo 17:17

Jesupa jarasima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

1 Corintio 12:9

Ara Tachi Ak'õre Jaore aba bɨpa chi eda tachidiidepemarã́ tea bɨma ãchi p'ue minachia ĩjãa p'ananamẽrá. Mãɨnepa ara Tachi Ak'õre Jaore aba bɨpa chi eda tachidiidepemarã́ tea bɨma k'ɨdade berã p'ue jɨpa beepidamẽrá.

Mateo 17:9

Eyadepa edá chesidaɨde Jesupa ãchiá nãɨya jara peesima: —Mãrapa ununana mi ãpia pida abaɨa jararãt'ɨ aba mɨ, chi Ẽpẽra Warra chok'ae p'irabarirudea.

Mateo 8:26

Mãɨne Jesupa jarasima: —Mãra ¿k'ãre k'orea ne wap'ea p'anɨma? ¡Mãrapa pia ĩjãanawẽa p'anɨma! P'irabarik'ari Jesupa nãua mãɨnepa senia chomá ɨbɨa pedeasima. Ara mãɨne jõma ap'i ũu beesima.

Mateo 17:19

Mãɨya bak'ari Jesú ome p'ɨrrɨapataɨrã ichimá wãnak'ari ãchi tuaba idisidama: —¿K'ãre k'orea taipa jãɨ jaore mietá p'ue ãyá jeret'aadaé pasima?

Marco 11:22

Jesupa jarasima: —Mãrapa Tachi Ak'õrene ĩjãanai p'anɨma.

Mateo 14:29

Ara mãɨne Jesupa jarasima: —¡Chese! Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima.