Mateo 16:24 - Tachi Ak'õre Pedea

²⁴ Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Mateo 16:24 Referans Kwoze

Mateo 10:38

Minachia mĩa bai k'orea bɨwẽpɨra, mɨ ome p'ue p'ɨrrɨaiwẽma.

Luca 14:27

Minachia mĩa bai k'orea bɨwẽpɨra, mɨ ome p'ue nipaiwẽma.

Marco 10:21

Mãɨne Jesupa k'ɨ̃ria bɨdepa ichi ak'ɨk'ari jarasima: —Ne abawẽa bɨma. Pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

2 Timoteo 3:12

Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ.

Marco 8:34

Jesupa chi ichi ome p'ɨrrɨapataɨrã mãɨnepa chi ẽpẽerã minachia nɨbɨ t'ɨ̃k'oak'ari jarasima: «Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Juan 19:17

Jesupa ichi k'urusu ua beek'ari papaká berãpa ichi ateewãsidama ĩjũa Poro Bɨɨrɨ apataɨmá. Hebreo pedeade Gólgota apatama.

1 Tesalonicense 3:3

mãɨnepa mãra mĩa p'anɨne ne minachia k'ɨ̃risiapidaemaapa. Mãrapa k'awa p'anɨma Cristode ĩjãa p'anɨ k'orea tachi nepɨra paraadai p'anɨma.

Mateo 27:32

Mãmãɨpa wãsidaɨde papaká berãpa ẽpẽra Simón apataɨ unusidama. Ichi Cirene p'uurudepema pasima. Ãchia mãɨ Simonoa Jesú k'urusu uapisidama.

Marco 15:21

Jesú p'uuru awara ateewãsidaɨde ẽpẽra Simón apataɨ Jerusalenea cheru pasima. Alejandro mãɨnepa Rup'o ak'õre pasima. Ichi Cirene p'uurudepema pasima. Chi papaká berãpa mãɨ ẽpẽrá Jesú k'urusu uapisidama.

Luca 23:26

Jesú k'urusude barijira bɨdai k'orea ateewãsidaɨde, Cirenenepema Simón p'uurudea cheru pasima. Jesupa k'urusu ua nipada mãɨ Simonoa uapidak'ari ichi k'aade ateepisidama.

Juan 21:19

Mãɨ jara bɨdepa Jesupa k'awapisima Pedro sãmaasã́ piui bɨt'a, ichi piurudepa ẽpẽerãpa k'awadamẽrá Tachi Ak'õre chi choma bɨt'a. Mãɨya jarak'ari Jesupa Pedroa jarasima: —¡Mɨ ome p'ɨrrɨase!

Juan 21:22

Jesupa p'anoosima: —Mɨa k'ɨ̃ria bɨpɨra ichi chok'ae beeit'a aba mɨ mãicha cherudea ¿pɨa mãɨ k'orea sak'aima? Mɨa k'ɨ̃ria bɨma pɨ mɨ ome p'ɨrrɨait'a.

1 Pedro 2:21

Cristo mãra k'orea minachia mĩana pẽra Tachi Ak'õrepa mãra t'ɨ̃sima mĩanamẽrá. Cristo mĩaside unupisima mãra nepɨra paraautade sãmaasã́ nipadai p'anɨt'a.